圃鍋 (已結業)

今日約埋成班朋友出黎食新年飯，有朋友提意試下呢間，咁就梗係好啦，打邊爐係我其中一個最愛😝😝，一入到去個環境都幾好，坐得都好舒適，服務員都好好禮貌，一個set$278，但如果再加$100，就有鹿兒島和牛同四色刺身，真的不太貴，刺身好 新鮮，和牛入口即溶，真係好好食😋😋，雲吞同水餃好多料，我要2啖先可以食哂😂，個海鮮真係冇得輸，龍蝦好大隻，好彈牙😋😋，鮑魚只需要放下去6分鐘，因為佢會提供一個計時器俾你，夠鐘就可以攞起，所以唔會滾到太熟😝，仲有聖子，帶子，蜆，總之所有海鮮都非常新鮮，而個湯底就係麻辣火鍋同魚湯，個魚湯唔錯，將蘿蔔放入個湯魚，蘿蔔吸收左魚湯的味道，好鮮甜，總括嚟講，真係值得一試，價錢確實不貴👍🏻👍🏻，亦會再次光顧😋