影片
更多
2008-08-02
26 瀏覽
** 此 食 肆 的 第 六 十 九 個 笑 **今日(2-8-2008 Sat)同女友人CK o黎朗豪坊睇2:30pm o既Batman,我o地先o黎個lunch,又係冇特別指定下,求祈揀呢間.o黎到應該係1:30pm,室內座位full晒,我o地行去室外,好焗,且一陣油煙味,我o地更加唔鍾意,走返入去,哈,o岩o岩有人走,有枱lu.我o地兩個開頭同樣想要薑燒豚肉珍珠堡,CK就提議叫兩個餐share食,哈,好啊.我就要照燒雞肉漢堡,要o左B同C set,B揀o左蝴蝶蝦,C set就有綠田園沙律.好,CK去買o野食,等好耐,佢拎個牌返o黎,佢話原來今日冇薑燒豚肉珍珠堡,要o左烤牛肉珍珠堡,我答我剛才睇menu至知原來單數日係薑燒豚肉珍珠堡,雙數日就烤牛肉珍珠堡.而我都話佢知當我見到有黑醋雞漢堡時,佢已經畀o左錢返o黎.而綠田園沙律佢就揀o左黑醋.我o地等多陣,o野食就奉上了.先o黎影影相.CK買多個細薯條,冇所謂.我o地將兩個漢堡cut開,一人一半.先食照燒雞肉漢堡,CK讚啲汁好味,雞肉亦好味.我覺得不過不失,不過生菜都幾新鮮.但其實我後悔要呢個,真係應該要試黑醋雞漢堡嘛.味道: 3.5
今日(2-8-2008 Sat)同女友人CK o黎朗豪坊睇2:30pm o既Batman,我o地先o黎個lunch,又係冇特別指定下,求祈揀呢間.o黎到應該係1:30pm,室內座位full晒,我o地行去室外,好焗,且一陣油煙味,我o地更加唔鍾意,走返入去,哈,o岩o岩有人走,有枱lu.我o地兩個開頭同樣想要薑燒豚肉珍珠堡,CK就提議叫兩個餐share食,哈,好啊.我就要照燒雞肉漢堡,要o左B同C set,B揀o左蝴蝶蝦,C set就有綠田園沙律.
好,CK去買o野食,等好耐,佢拎個牌返o黎,佢話原來今日冇薑燒豚肉珍珠堡,要o左烤牛肉珍珠堡,我答我剛才睇menu至知原來單數日係薑燒豚肉珍珠堡,雙數日就烤牛肉珍珠堡.而我都話佢知當我見到有黑醋雞漢堡時,佢已經畀o左錢返o黎.而綠田園沙律佢就揀o左黑醋.
我o地等多陣,o野食就奉上了.先o黎影影相.CK買多個細薯條,冇所謂.
我o地將兩個漢堡cut開,一人一半.先食照燒雞肉漢堡,CK讚啲汁好味,雞肉亦好味.我覺得不過不失,不過生菜都幾新鮮.但其實我後悔要呢個,真係應該要試黑醋雞漢堡嘛.
味道: 3.5分
然後食蝴蝶蝦,點甜醬食,覺得啲醬搶晒啲味,我特登唔點醬食,都食唔到蝦味,一般啦,不過CK話OK,食到蝦味.
味道: 3分
接著食烤牛肉珍珠堡,因為呢個係飯漢堡,同埋啲牛肉碎碎地.我o地將其中一半搬過另一張紙時好論盡.我食喇,牛肉幾鹹,飯就淡淡咁,幸好啲飯都算好夠黐,唔會散晒.CK話如果好啲飯煎燶啲脆啲會更好.
味道: 2.5分
到綠田園沙律,只有生菜,半個蕃茄同粟米粒,開頭我o個啲冇落太多黑醋,食到啲粟米幾甜,但好細粒,但CK話食唔到甜,.之後我加多啲醋就冇晒味,可能CK開頭加太多黑醋啦.呢個沙律o既份量少唔在講,重冇相中o既羅馬菜添.
味道: 5分 (其實呢個味道係自己調較出o黎)
最後係薯條,冇咩問題,著普通通
味道: 4分
呢o度o既食材係好新鮮,不過係烹調麻麻.
個個侍應都好勤快,好好禮貌,抵讚.
其他因素高分,所以可以畀個笑,繼續努力吧.
張貼
