影片
更多
2020-05-14
2173 瀏覽
今日係一年一度母親節，全家人一齊出去旺角食晚飯，同往年唔同，今年就係由阿媽發板，阿媽不嬲都好鍾意聽網台嘅，網台有人介紹過呢間餐廳好食，而且個老闆仲係年青人黎添，阿媽就話想俾個機會人，咁就去食呢間野啦。呢間粥底火鍋價錢就係大約$200一個人，包左一堆海鮮，仲有個湯底，仲有一個粥，鍾意食配料嘅可以自己㗎，我哋就自己加咗個雲吞，少少肥牛，仲有墨魚滑。首先想講講個湯底，唔好意思容許我先小人後君子一次先，其實個湯底唔係好好，佢本身有五個湯底，咁另外仲有個皮蛋現世湯，我哋屋企有五個人，咁叫其中四個湯底，但係我敢肯定冇一個湯底係好食嘅，就比較似係用粉開出嚟咁樣，其中一個叫咗紫薯湯底，搞到佢每淥一樣嘢食果樣嘢食都會變咗紫色，勁搞笑，不過我嗌嘅南瓜湯其實就比較好啲，但係個味道依然都係唔夠濃，所以如果餐廳嘅話可以加多少少粉，或者係我見到其他餐廳都有用粥水做湯底，我覺得都可以一試嘅，因為真係可以帶到海鮮嘅鮮味出嚟，或者餐廳可以淨係專注做埋一個湯底，做好佢，咁樣嘅話就會比較好一啲。有啲人話打邊爐最緊要嘅就係個湯底，而我就話湯底仲要之餘，其實個爐都好重要，因為唔知點解我嗰個爐真係比較遲先滾，但係我見個爐已經較到
呢間粥底火鍋價錢就係大約$200一個人，包左一堆海鮮，仲有個湯底，仲有一個粥，鍾意食配料嘅可以自己㗎，我哋就自己加咗個雲吞，少少肥牛，仲有墨魚滑。
首先想講講個湯底，唔好意思容許我先小人後君子一次先，其實個湯底唔係好好，佢本身有五個湯底，咁另外仲有個皮蛋現世湯，我哋屋企有五個人，咁叫其中四個湯底，但係我敢肯定冇一個湯底係好食嘅，就比較似係用粉開出嚟咁樣，其中一個叫咗紫薯湯底，搞到佢每淥一樣嘢食果樣嘢食都會變咗紫色，勁搞笑，不過我嗌嘅南瓜湯其實就比較好啲，但係個味道依然都係唔夠濃，所以如果餐廳嘅話可以加多少少粉，或者係我見到其他餐廳都有用粥水做湯底，我覺得都可以一試嘅，因為真係可以帶到海鮮嘅鮮味出嚟，或者餐廳可以淨係專注做埋一個湯底，做好佢，咁樣嘅話就會比較好一啲。
有啲人話打邊爐最緊要嘅就係個湯底，而我就話湯底仲要之餘，其實個爐都好重要，因為唔知點解我嗰個爐真係比較遲先滾，但係我見個爐已經較到佢最大，但係依然都係好耐先至滾，其實我個腦真係未見過佢完全滾過一刻，只係啲湯底熱左。
唔好處嘅地方已經講完啦，除咗個湯底同埋打邊爐個爐之餘，餐廳所做嘅嘢真係好好嘅，見到啲食材全部都好新鮮，不如話鮑魚佢會將嗰啲內臟全部去晒啦，幫我地起好啲殼，同埋啲蜆嘅種類真係好多，食得出都係唔晒嘅，仲有聖子，帶子，好多甲殼類嘅食物其實都做得好好，仲有佢送果兩隻龍蝦其實真係食得出好新鮮，因為嗰啲殻真係好容易就起到出嚟，而且啲肉係實嘅，可以睇得出其實佢啲海鮮係真係好好，我家姐就話以前食落就係覺得呢間餐廳覺質素唔係好好，但係今次睇得出係明顯進步左嘅，所以都對呢間野係有所改觀嘅。
其實唔單只係食物記得數，例如玩一入到黎舖頭有好多唔同嘅文宣，而且仲有兩隻好得意嘅狗仔，餐廳店員仲好好服侍同我講話可以同佢哋一齊坐㗎，其實見到邊件咁熱心嘅招待，就知道其實服務態度真係好好，而且中途店員都不斷同我哋講話需唔需要加水。仲有店員都好細心咁樣幫我地去整返好個粥，同我哋屋企人講話應該點樣食呀，大概幾時食得啊，提醒我哋要好好咁樣攪勻佢，費事啲粥痴底，其實都睇得出店員係真係好用心去做嘅，另外仲有餐廳嘅環境都好乾淨，防疫措施做得好足夠，所以都冇乜特別批評了。
張貼
