渝味曉宇重慶老火鍋 (QRE Plaza) (已結業)

終於去到試呢間咁出名嘅麻辣火鍋😋我揀咗鴛鴦鍋嘅原味同埋麻辣味~就算我唔係好食得辣我都一定要嚟呢度食佢嘅麻辣火鍋 而我叫咗佢小辣，火鍋湯底的確唔算好辣，一般人都可以食得到。呢度最好嘅係，佢大部份嘅材料都有得揀半份，好啱啲兩個人去食嘅。因為佢半份得來真係啱啱好兩個人嘅份量，咁我就可以揀多幾款嘢食去試～佢嘅食材用料都幾新鮮！我哋叫咗少少海鮮，肥牛，同埋一啲菜～佢嘅桂花蚌係超推薦！好新鮮好爽～而個蠔係好大隻😂而且佢係冇腥味嘅👍🏻👍🏻龍躉片同肥牛就合乎水準～都係值得一讚。最後點左個乾貢菜同萵筍～貢菜既味道好特別，口感都幾爽而我亦都幾鍾意，大概有少少似筍嘅口感👍🏻可以一試最後呢間餐廳令我覺得好係因為佢部分冇咁普遍嘅嘢食都有教你要煮幾耐，跟住佢煮啲嘢食就唔會overcook。