人和月雞煲火鍋店 (已結業)

Youtube見過有人介紹呢間人和月雞煲火鍋店，cp值好高，今晚約咗朋友喺尖沙咀食飯一於食個大餐先😻本來想先食完雞煲再打邊爐，之前聽聞雞煲係好惹味，不過今晚得兩個人食，驚食完雞煲已經飽咗😿 所以我哋就選擇酸菜魚light啲，下次多人一定要食雞煲！😻😻既然食靚牛同海鮮，湯底我地就揀清啲既皮蛋茜湯，食翻食材既鮮味😼海鮮拼盤好靚又多料，雖然冇龍蝦，不過有好大隻嘅扇貝同鮑魚，cp值都好高。仲有一兩款大蜆都好鮮甜，唔會有沙，好乾淨😽生蠔好大隻好新鮮，食落無乜雪味第一round既牛肉有齊介紹，擺盤非常整齊吸引，具備晒我平時鍾意食嘅牛下肩同封門柳。而封門柳油脂分布好平均，牛味非常香濃，肉質非常柔嫩😻無限任食都有得encore第一round食過既牛，果然cp值超高😽除左用手機落單，出面仲有好多蔬菜同特色丸自行挑選，款式都算幾多，連出前一丁都有😹👍飲品都好多款式，我就飲烏龍解膩，好爽不過有時未冷泡得切，有幾樽茶底唔夠濃😿最後甜品唔係雪糕，竟然喺任食豆花加無限配料。喺勁飽嘅情況下，我都清左成碗😹 仙草加豆花真係絕配，又唔會太甜，好味😺