大勝丼 (已結業)

上到去好多人等緊位，好在book左枱，唔駛等就入得。一行三人，每人叫左個自選丼。 講真價錢唔算好平，跟左麵豉湯同迷你雪米糍。 個湯比平時一般跟餐既湯大碗，仲有2粒油揚，算係咁，味道就一般啦，唔算特別好飲。落order時waitress姐姐提左話紅醋飯會酸d, 其實我食落唔覺得特別酸，只可以話同白醋飯係兩種味。 個丼好大份，有個frd叫左少飯又真係會細d。 d刺身都好新鮮，吞拿魚蓉冇筋，帆立貝都幾大隻，三文魚籽唔腥，仲加左d飯素同紫菜，味道都幾豐富。比較可惜係限時1個鐘，食完時間啱啱好要賣單，冇法啦，人氣小店係要控制下人流。感覺幾好，有機會再去。