影片
更多
2012-09-25
50 瀏覽
7月3日, 今晚出嚟銅鑼灣想搵米線食, 都已經食過七七八八, 要搵一間新嘅試真係幾難, 好彩行經渣甸街呢頭見到呢間金隆好似轉咗手, 多咗澳門2個字, 之前食過舊嘅麻麻, 既然係重新開過我地又再試下啦~ 人流超多, d枱枱櫈櫈又迫, 好辛苦先入到去坐喺4人位嘅單邊, 呢個位要坐2個人有d迫夾…::: 黃鱔豬手酸辣紅薯粉 + 凍朱古力 ::: $35 + $8因為比較少見到黃鱔, 而我又好鍾意食魚, 2話不說叫嚟試下, 點知咁就中伏, 只怪自己魯莽下決定… 黃鱔份量其實唔少, 只可惜肉地好淋, 淋到有d霉, 完全冇鱔嘅味道, 好似放咗好耐咁… 豬手有3隻, 細細隻算係咁, 但係味道同樣欠奉, 可能食親豬手都有南乳味, 呢個差少少味就已經好淡… 最差係個湯底, 嚟得食雲南米線當然最重要係個酸辣湯, 望落湯底顏色唔差, 但係只有辣味, 而冇酸味… 個辣味仲要係好嗆喉嗰隻, 混濁之餘唔夠清甜, 薯粉唔入味又唔夠彈牙, 唔掂!凍朱都叫正常, 朱古力味濃, d冰又唔會好快溶晒~::: 香酥肉撈米線 + 樽仔奶茶 ::: $30 + $10呢個香酥肉個名就幾好聽… 但原來係d炸粉厚過肉嘅炸豬肉片! 無
::: 黃鱔豬手酸辣紅薯粉 + 凍朱古力 ::: $35 + $8
因為比較少見到黃鱔, 而我又好鍾意食魚, 2話不說叫嚟試下, 點知咁就中伏, 只怪自己魯莽下決定… 黃鱔份量其實唔少, 只可惜肉地好淋, 淋到有d霉, 完全冇鱔嘅味道, 好似放咗好耐咁… 豬手有3隻, 細細隻算係咁, 但係味道同樣欠奉, 可能食親豬手都有南乳味, 呢個差少少味就已經好淡… 最差係個湯底, 嚟得食雲南米線當然最重要係個酸辣湯, 望落湯底顏色唔差, 但係只有辣味, 而冇酸味… 個辣味仲要係好嗆喉嗰隻, 混濁之餘唔夠清甜, 薯粉唔入味又唔夠彈牙, 唔掂!
凍朱都叫正常, 朱古力味濃, d冰又唔會好快溶晒~
::: 香酥肉撈米線 + 樽仔奶茶 ::: $30 + $10
呢個香酥肉個名就幾好聽… 但原來係d炸粉厚過肉嘅炸豬肉片! 無肉味之餘“外油內乾”… 索性撇開個皮唔食, 彷彿好似咬緊塊豬肉乾咁. 成個米線個賣相就更加求其! 雖然配料酸菜、花生、芽菜、炸醬都齊, 但咁嘅賣相真係睇見都唔開胃啦~ 米線都唔算太淋嘅, 但索起d油份過盛嘅炸醬食就難免油膩, 食到一半都飽咗! 如果淨係計撈米線個味的話算係ok, 但加埋d油膩感同個香酥炸粉就真係no way!
樽仔奶茶同某大燒味茶餐廳連鎖店一樣都係冰震, 呢度仲係用個冰筒仔震住夠晒gimmick~ 但係一抽樽奶茶出嚟就知被騙, 成樽奶茶大概只得半杯正常凍飲容量, 而價錢仲要貴過普通凍奶茶! 幾gimmick都無用! 無冰奶茶咁又點? 茶味奶味都比d怒火溝稀晒!
呢度除咗食物唔掂, 個環境都幾惡劣, 枱與枱之間太少位, 卡位又唔夠大張仲要4人分, 擺4碗米線已經爆晒, 仲未計小食飲品嗰d… 再睇大部份人都係自由行, 一人幾袋野咁霸住d櫈同通道, 成個街市咁, 點食得舒服…
張貼
