橫浜街場 (已結業)

剛同朋友去旺角行完街，見到（橫浜街場），診今晚天氣凍凍地，最適合就係食火鍋，餐廳環境好舒服又有特式，裝修仲好有氣氛，餐廳店員都好好服務，所以下星期有個好朋友生日，我都決定會在這個餐廳訂定位，為他慶祝，到時實會令他大有驚喜。花膠螺頭藥膳雞窩$298，內有半隻雞，肉質好滑嫩，還有花膠、紅棗、黨參、螺頭，湯底份量十分足夠，湯底好夠藥膳香味，飲左落肚成個人都暖哂，仲夠哂滋補。龍蝦鮮甜，仲啖啖肉，爽口彈牙。木桶是雙層設計，有著噴泉出口效果，可以隔左D油，我覺得仲可以將湯底及食材在木桶內不停滾動著，保持熱力及所有材料的味道，不會流失。主菜海鮮拼盤，有新鮮龍蝦，好有海水味的生蠔，仲賬卜卜，還有象拔蚌、大頭蝦、蜆等十分鮮甜。自家製響鈴及炸魚皮，好爽脆。牛肉粉嫩，雪花分佈平均，好有牛肉味。這些都是主菜，已經好飽啦，還有其他指定配菜可以添加，食番夠本，十分抵食。