影片
更多
2021-12-30
118 瀏覽
發現好耐無追新cafe，難得入屯門，當然要一訪開業僅三個月嘅Peloton。新店以單車同露營做主題，設有室外茶座，好歡迎大家帶同寵物到訪呢~特別鍾意對向輕鐵站嘅窗邊位，望住輕鐵來來往往，再嘆返杯啡，認真夠晒chill~▪️炸雞牛角包窩夫 $78牛角包窩夫 𝘊𝘳𝘰𝘧𝘧𝘭𝘦 👉🏿 𝘊𝘳𝘰𝘴𝘴𝘪𝘢𝘯𝘵 𝘹 𝘞𝘢𝘧𝘧𝘭𝘦 顧名思義就係牛角包同窩夫既混合體！將牛角包麵團放入𝘞𝘢𝘧𝘧𝘭𝘦機之中，壓烘而成。可以話係窩夫形既牛角包，表面酥脆富牛油香，略嫌表面脆得刮口唔夠鬆。炸雞調味十足！其表面嘅炸粉味道似層相識。亦保留到肉汁，不過炸皮偏硬 肉偏薄。旁邊仲有沙律菜配蜜糖芥末汁、脆煙肉、薯餅。▪️東星班炸魚薯條 $128WOW係用東星班整嘅炸魚薯條！新鮮炸起熱辣辣，一切開岀晒煙，炸皮薄身香脆唔油膩，東星班厚肉魚味重，啖啖肉都幾爽。薯條粗身，飽滿酥脆唔會太油。▪️香檳忌廉汁煮法國藍青口 $88大大塊Sourdough放係藍青口表面~ 酸種麵包經牛油烘過，邊邊位超香脆，略嫌牛油味蓋過左麵粉香。特別鍾意佢個香檳忌廉汁，帶青口鮮味 蒜香 忌廉香，濃得黎又唔會覺得好膩，用麵包蘸一流！▪️即焗法式蘋果金寶配雪糕 $68即焗嘅
特別鍾意對向輕鐵站嘅窗邊位，望住輕鐵來來往往，再嘆返杯啡，認真夠晒chill~
▪️炸雞牛角包窩夫 $78
牛角包窩夫 𝘊𝘳𝘰𝘧𝘧𝘭𝘦 👉🏿 𝘊𝘳𝘰𝘴𝘴𝘪𝘢𝘯𝘵 𝘹 𝘞𝘢𝘧𝘧𝘭𝘦 顧名思義就係牛角包同窩夫既混合體！將牛角包麵團放入𝘞𝘢𝘧𝘧𝘭𝘦機之中，壓烘而成。可以話係窩夫形既牛角包，表面酥脆富牛油香，略嫌表面脆得刮口唔夠鬆。炸雞調味十足！其表面嘅炸粉味道似層相識。亦保留到肉汁，不過炸皮偏硬 肉偏薄。旁邊仲有沙律菜配蜜糖芥末汁、脆煙肉、薯餅。
▪️東星班炸魚薯條 $128
WOW係用東星班整嘅炸魚薯條！新鮮炸起熱辣辣，一切開岀晒煙，炸皮薄身香脆唔油膩，東星班厚肉魚味重，啖啖肉都幾爽。薯條粗身，飽滿酥脆唔會太油。
▪️香檳忌廉汁煮法國藍青口 $88
大大塊Sourdough放係藍青口表面~ 酸種麵包經牛油烘過，邊邊位超香脆，略嫌牛油味蓋過左麵粉香。特別鍾意佢個香檳忌廉汁，帶青口鮮味 蒜香 忌廉香，濃得黎又唔會覺得好膩，用麵包蘸一流！
▪️即焗法式蘋果金寶配雪糕 $68
即焗嘅apple crumble製作需時喔~ 蘋果軟身不失爽脆，crumble香脆富牛油香。旁邊嘅朱古力雪糕好濃 底層仲加咗脆脆增添口感。當岀緊煙嘅蘋果金寶 遇上冷凍嘅雪糕，冷熱交融嘅感覺好正！
▪️Hojicha Latte $40/Hot
入口順滑無粉末感，略嫌焙茶香氣偏淡，但幸好奶味唔會過重。
張貼
