鴨大哥 (太古坊)

營業中

休息中

今次嚟到位於太古坊嘅鴨大哥，就睇吓佢係咪有食鴨嘅大哥級水準！北京烤鴨作為片皮鴨嘅忠實粉絲，今次我亦都相當期待。上枱見到一大盤嘅鴨片，已經知道相當有水準，鴨肉唔單止肥瘦均勻，份量亦絕不吝嗇。而外皮醬汁等各方面亦做到相當高嘅水準，食落絕對唔會覺得太油膩，甚至係不知不覺就食完了。整體嚟講，片皮鴨嘅水準，可以話係超過預期地好！雲南黑土豬叉燒上碟嘅時候，外表睇落好似冇咩特別。但食落去肉質香軟嫩滑，微微叉燒肉味配上香濃嘅醬油味，實在令人愛不釋手。桂花雪梨脆鱔球相信大家出街食飯，通常都係食西蘭花炒鱔球。今次就係炸鱔球，配上桂花雪梨嘅醬汁。醬汁味道清新香甜，配搭住炸物，有助開胃解膩。今次嘅炸鱔球相當有水準，炸皮唔會太厚，香脆而保留魚肉嘅肉汁，魚肉保持新鮮嫩滑！總括而言，呢度食物好味之餘，用餐嘅環境都相當優雅，絕對適合一家大細或者朋友聚會用餐！