上海姥姥 (Citylink)

營業中

休息中

呢間嘢食咗好多年，食物可以，帶位同沖茶嘅服務員態度親切，但有一個非常嚴重嘅問題，令我只係食咗半個鐘就走人，就係成個餐廳環境好嘈，食餐飯係受罪。入座嘅時候大概8:15 ，當時第一輪客人已經走得7788 ，只剩低幾枱客人，服務員好勤力咁樣不斷執枱同擺餐具，但係用「掉」嘅形式，不論係碗筷，都係用撞擊嘅方法擺枱，成個場好似立體聲咁，加上廚房處不斷大大聲播歌，成個場連茶餐廳都不如。由入門口一刻開始，已經聽到廚房嘅歌聲好大聲，坐低即刻後悔。我希望管理層睇到可以正視一下，有咩可能收呢一個價錢嘅一間連鎖餐廳，可以搞成咁？本身諗住食完會再叫甜品，結果都係算啦， 1秒都唔想留喺度。