海岸扒房 (裝修中)

話說男朋友生日想搵間靚少少既餐廳一齊慶祝。見到呢間似唔錯就經openrice 訂位（因為佢寫營業時間開18:00，訂位果時係朝早），本住一試無妨既心態就順便留comment 講低男朋友生日可唔可以安排個生日蛋糕係有happy birthday 等等既字眼。當日下午已經打電話黎問詳細內容，呢個已經值得一讚。當日安排左窗邊位，可以見到泳池，景觀算ok,點都好過坐走廊位。開左枝紅酒同點左兩塊牛排加幾隻水牛城雞翼當小食，味道都唔錯而且份量多，要彈既地方就係牛排等得耐，食完雞翼應該等左十零分鐘先上牛排。到最尾食甜品果時的確跟足我想留既字眼，現場仲有live唱生日歌，氣氛都ok不過要提提果到冷氣比較大，大家帶件衫就著數晒。