Fish & Chick Plus (已結業)

一直愛食 Fish & Chips………，但係就好少食，因為真係唔係好健康，兼且出面好多都係用下價魚整，做得唔好。見到西環有呢間舖，有多款魚選擇，正！因為住九龍，幾次想過去都去唔成。呢間舖衣家係觀塘開業，算係比較就腳，襯老婆有約…獨自偷食！不及APM的位置旺，卻也十分方便，反而人流少D，無咁難搵位。餐廳有少少英倫Feel裝修，地方不太但尚算寛趟，坐位7:30PM已滿了7成…開放式廚房，油煙多左少少，抽風唔夠好。餐刀把把有少少油漬…自行清潔…餐牌既多款魚，其實目標一早就係銀鱈魚……….但係都心大心細想叫比目魚，價錢一樣，相比之下，都係揀左較貴價既銀鱈魚，另加粟米湯！粟米湯濃稠，味道可以，但係都唔係我黎既重點！等左10分鐘，終於黎啦，大大件，有Sea Salt、茄醬同Tartar伴碟。薯條自己加左Vinegar………薯條外脆內粉係必然既，無咩好講…到條魚…一切茖去，魚肉多汁，睇落唔錯，但係炸醬就慘不忍睹，一切已經自我解體，魚還魚…醬還醬，唔通分開食？再睇清楚少少…炸醬略厚同太離魚身，基本上唔係炸魚，係炸醬加魚！ 條魚魚味唔出，亦無調味，縱然多汁，亦無銀鱈魚果種油香…不過魚身的確厚身，啖啖肉