影片
更多
2024-09-07
2243 瀏覽
21/8/2024📍Mr. O我哋成日食隔離果間阿土伯鹽水雞 都見到呢間西餐廳好似幾旺場 今次終於放棄鹽水雞過咗離試下新野啦😆呢間餐廳嘅裝修都有啲心思 行田園風路線 好多花花草草嘅裝飾 幾靚嘅❣️我哋坐卡位 每個卡位都有個鳥籠裝飾圍住 好有feel 而且都幾闊落 坐得幾舒服 呢度嘅座位好多 平日夜晚去食都唔洗排隊⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨椒鹽粟米（$68）係🙍🏼♀️一睇menu就話要嗌嘅野 唔好問點解 純粹係突然間想食粟米😂呢度大約有一條粟米嘅分量 切開咗細細嚿 吉嚟食都好方便 食落椒鹽味好濃 唔會太鹹 粟米本身又夠甜 鹹鹹甜甜咁好jeng！上面仲有超多炸蒜 口感同味道都一流❣️✨千島醬煙三文魚pizza（$138）邊位焗到脆卜卜 好似食緊餅乾咁 中間有餡料嘅部分超軟身 幾鍾意呢個口感👍🏻 雖然Pizza好大個 但批底係薄批嚟 所以食落都唔會太濟餡料部分都好正 最底有滿滿嘅芝士 上面有煙三文魚、青紅椒、洋蔥、菠蘿 夾埋一齊嘅味道係甜甜哋嘅 好好食🤤跟餐配咗個沙律/椰菜花湯 同埋野飲 試咗沙律同湯 兩樣都正常嘅✨美國西冷牛扒配泰式柚子沙律（$176）牛扒嗌咗五成熟 生熟程度啱啱
📍Mr. O
我哋成日食隔離果間阿土伯鹽水雞 都見到呢間西餐廳好似幾旺場 今次終於放棄鹽水雞過咗離試下新野啦😆
呢間餐廳嘅裝修都有啲心思 行田園風路線 好多花花草草嘅裝飾 幾靚嘅❣️
我哋坐卡位 每個卡位都有個鳥籠裝飾圍住 好有feel 而且都幾闊落 坐得幾舒服
呢度嘅座位好多 平日夜晚去食都唔洗排隊
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨椒鹽粟米（$68）
係🙍🏼♀️一睇menu就話要嗌嘅野 唔好問點解 純粹係突然間想食粟米😂
呢度大約有一條粟米嘅分量 切開咗細細嚿 吉嚟食都好方便
食落椒鹽味好濃 唔會太鹹 粟米本身又夠甜 鹹鹹甜甜咁好jeng！上面仲有超多炸蒜 口感同味道都一流❣️
✨千島醬煙三文魚pizza（$138）
邊位焗到脆卜卜 好似食緊餅乾咁 中間有餡料嘅部分超軟身 幾鍾意呢個口感👍🏻
雖然Pizza好大個 但批底係薄批嚟 所以食落都唔會太濟
餡料部分都好正 最底有滿滿嘅芝士 上面有煙三文魚、青紅椒、洋蔥、菠蘿 夾埋一齊嘅味道係甜甜哋嘅 好好食🤤
跟餐配咗個沙律/椰菜花湯 同埋野飲 試咗沙律同湯 兩樣都正常嘅
✨美國西冷牛扒配泰式柚子沙律（$176）
牛扒嗌咗五成熟 生熟程度啱啱好 牛味幾重 油脂部分唔會太多 唔會好難咬 同香草汁幾夾
沙律都有調味 唔會好似食緊草咁🆗
✨生蠔（$48）
佢星期一至三有買一送一嘅優惠
不過生蠔比較細舊 而且有少少腥
落啲檸檬同Tabasco 就ok
以呢個價錢黎講就超值啦
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最後埋單～$430 （唔收加一）
本身覺得呢間會中伏 出奇哋有驚喜 野食都做得唔錯（除咗生蠔）價錢又唔貴 如果諗唔到食咩嘅 呢間都可以一試 ☺️
推薦指數🌟：3.5/5
📍 荔枝角長沙灣道833號長沙灣廣場3樓301號舖
張貼
