榮耀餐廳 (已易手) 新餐廳

大圍單車遊後，個個都話返去食飯，我呢啲無飯既小人，唯有一枝公搵野食，行下行下行到黎田心邨，田心邨我都無黎過，周圍行完好攰了，搵間坐低食。              叫左個榮耀推介：安格斯肉眼扒拼吉烈蝦配薯菜，仲可以揀意粉/飯！價錢唔平，$188，我仲加左$18升級套餐，無辦法，我餓到食得落隻牛...是日餐湯係忌廉薯仔湯，湯仲加送四粒麵包糠，湯黎到已經聞到好香薯仔味，我加左黑椒，令個湯更好味！湯有陣薯仔味，味道好甜，除左見到係白色之外，忌廉味唔多，反而薯仔味好夠，是食材本來那種甜味。牛扒碟上，我揀了五成熟，又有薯菜又有意粉，另配燒汁，牛扒唔算厚，雖然五成，但切開都唔難，唔需要好大力，牛扒唔落燒汁都夠晒Juicy，入口啲牛肉汁必出黎，又香又So，我鍾意這種So味，肉質柔嫩，入口咬到兩啖已經有融化既感覺。配菜有菇、薯仔，加埋意粉勁飽呢！飲品凍檸茶少冰，唔好以為顏色好深會好苦澀，幸好檸檬靚，甜度夠，少冰左都唔覺得苦澀呢！成頭牛已經食完啦，又要步行返屋企，當做下運動啦！