影片
更多
2024-11-28
396 瀏覽
好耐冇同老友出嚟食飯，星期一四人行去咗旺角周圍逛，朋友提議去食麻辣火鍋，我自己就麻麻哋，因為怕辣，但係老婆好鍾意食辣，所以都頂硬上。睇餐牌見到有BB辣，所以要求大家陪我一齊試吓微辣嘅火鍋。餐牌仲見到有田雞同埋雞嘅鴛鴦打孖一齊上，都幾得意，一於試試。首先上個魚生拼盤，種類都有好多，擺設吸引，而且魚生夠新鮮，價錢都唔貴。雞煲燒到熱辣辣上枱，首先食我最鍾意嘅雞肉，雞肉味帶麻辣，顏色濃郁，但係雞肉嫩滑好Juicy，而田雞肉就好彈牙口感特別，煲底有薑同埋蒜頭，一齊夾埋食好惹味，連同麻辣混埋一齊味道非常豐富。雞嘅份量都好多，但係俾我哋好快脆就清晒，一啲都冇得剩! 食完麻辣田雞雞煲店員放上湯落去做火鍋底，首先上枱係火鍋海鮮拼盤，真係好大盤，啲蝦同埋鮑魚仲郁嚟郁去，賣相非常吸引，跟住再嚟多一大碟免費嘅和牛拼盤，只要share比朋友就可以送一盤。成張枱都擺滿晒食物，未試過食咁多唔同種類嘅食物，今次真係好滿足。蝦肉彈牙味甜，而蟶子就充滿麻辣味，鮑魚肉脆同麻辣火鍋湯配合都食到鮑魚鮮味，帶子同埋生𧐢就灼得啱啱好，口感嫩滑鮮甜，真係夠晒豪氣。龍躉魚片魚皮厚切就膠質豐富好好味。封門柳好有肉味，有咬口脆脆哋好得意，
餐牌仲見到有田雞同埋雞嘅鴛鴦打孖一齊上，都幾得意，一於試試。
首先上個魚生拼盤，種類都有好多，擺設吸引，而且魚生夠新鮮，價錢都唔貴。
雞煲燒到熱辣辣上枱，首先食我最鍾意嘅雞肉，雞肉味帶麻辣，顏色濃郁，但係雞肉嫩滑好Juicy，而田雞肉就好彈牙口感特別，煲底有薑同埋蒜頭，一齊夾埋食好惹味，連同麻辣混埋一齊味道非常豐富。雞嘅份量都好多，但係俾我哋好快脆就清晒，一啲都冇得剩!
食完麻辣田雞雞煲店員放上湯落去做火鍋底，首先上枱係火鍋海鮮拼盤，真係好大盤，啲蝦同埋鮑魚仲郁嚟郁去，賣相非常吸引，跟住再嚟多一大碟免費嘅和牛拼盤，只要share比朋友就可以送一盤。成張枱都擺滿晒食物，未試過食咁多唔同種類嘅食物，今次真係好滿足。
蝦肉彈牙味甜，而蟶子就充滿麻辣味，鮑魚肉脆同麻辣火鍋湯配合都食到鮑魚鮮味，帶子同埋生𧐢就灼得啱啱好，口感嫩滑鮮甜，真係夠晒豪氣。龍躉魚片魚皮厚切就膠質豐富好好味。
封門柳好有肉味，有咬口脆脆哋好得意，煲底撈剩一件又厚又碌咗好耐嘅牛柳，但係都唔會嚡口又唔韌。牛板鍵肉味濃，同麻醬蒜蓉一齊食好味。牛肩胛入口有牛肉味都OK喎！和牛肉眼就煙煙韌韌入口好得意，簡簡單單同豉油一齊都食到牛肉鮮味。安格斯牛肉質軟腍，食到牛肉同埋脂肪嘅香味，別有一番滋味。黑毛素肚吸晒啲麻辣湯汁口感脆嫰，一啲都唔覺得自己係食緊素肉。本來想繼續試啲肉丸同埋蔬菜，食物放晒喺放題區任攞任食，但係個肚唔爭氣裝唔落，只可以食多杯本港獨製嘅焦糖爆谷雪糕之後就舉手投降，鍾意食甜品就唔好錯過e杯雪糕，下次有機會再嚟食過！
餐廳細細間好橘子，屬於一層過嘅食店，7:30上到去都開始人多，9:30走時仲有幾枱陸續入座。裝修佈置簡單舒適，坐足兩粒半鐘都可以。空調抽風足夠，冇油煙味，食完雞煲唔會成身一陣油味。擺放醬料及食物同埋飲品位置整齊清潔，放題食物refill得好快。而店員服務態度殷勤有禮貌，食物價錢屬於親民大眾化嘅一類，抵食夾大件！
張貼
