影片
更多
2023-04-18
1339 瀏覽
💁♀️💁♂️ 12/4/2023(Wed), Dinner🍽以前去大尾篤通常都係行山⛰️、踩單車🚴🏻，活動完後就多數會燒烤、食泰國菜咁樣，但其實喺大尾篤都有好多唔同類型既食肆。今日為食妙妙同A先生就去到大尾篤一間比較家庭式既餐廳開餐，餐廳要行一小段村路先到達，有少少隱世feel，但原來餐廳既大廚🧑🍳曾經做過5星級酒店，難怪出品咁高質。而今晚我地order咗：🔆 大蒜椰菜花薯蓉湯送嚟既時候聞到好香既蒜味，但唔會話過份地濃味。奶白色既湯本身打得好滑好creamy，入口有蒜味、薯仔🥔味同椰菜花味。餐廳送上既麵包籃都唔好錯過，內裏既蒜蓉包香脆而另外有一片香蔥薄脆都係食唔停口。🔆 前菜（蘇格蘭煙三文魚蟹肉卷配柚子汁，烚大蝦伴紅菜頭油醋汁，香煎鵝肝伴焦糖無花果）蘇格蘭煙三文魚蟹肉卷配柚子汁既煙三文魚油潤帶一點鹹味，卷住內裏既蟹肉、洋蔥🧅碎、蛋黃醬，再淋上柚子醬汁，微甜既醬汁正好提升咗蟹肉既鮮味。烚大蝦伴紅菜頭油醋汁，鳳尾蝦彈牙有蝦味，再點餐廳自家製既紅菜頭油醋汁，比起一般既油醋汁多咗紅菜頭既味道亦都減輕咗醋既酸味，食落清新好食。香煎鵝肝伴焦糖無花果，鵝肝煎香之後放上焦糖無花果上面，鵝肝外脆內嫩，油
💁♀️💁♂️ 12/4/2023(Wed), Dinner🍽
以前去大尾篤通常都係行山⛰️、踩單車🚴🏻，活動完後就多數會燒烤、食泰國菜咁樣，但其實喺大尾篤都有好多唔同類型既食肆。今日為食妙妙同A先生就去到大尾篤一間比較家庭式既餐廳開餐，餐廳要行一小段村路先到達，有少少隱世feel，但原來餐廳既大廚🧑🍳曾經做過5星級酒店，難怪出品咁高質。
而今晚我地order咗：
🔆 大蒜椰菜花薯蓉湯
送嚟既時候聞到好香既蒜味，但唔會話過份地濃味。奶白色既湯本身打得好滑好creamy，入口有蒜味、薯仔🥔味同椰菜花味。餐廳送上既麵包籃都唔好錯過，內裏既蒜蓉包香脆而另外有一片香蔥薄脆都係食唔停口。
🔆 前菜（蘇格蘭煙三文魚蟹肉卷配柚子汁，烚大蝦伴紅菜頭油醋汁，香煎鵝肝伴焦糖無花果）
蘇格蘭煙三文魚蟹肉卷配柚子汁既煙三文魚油潤帶一點鹹味，卷住內裏既蟹肉、洋蔥🧅碎、蛋黃醬，再淋上柚子醬汁，微甜既醬汁正好提升咗蟹肉既鮮味。
烚大蝦伴紅菜頭油醋汁，鳳尾蝦彈牙有蝦味，再點餐廳自家製既紅菜頭油醋汁，比起一般既油醋汁多咗紅菜頭既味道亦都減輕咗醋既酸味，食落清新好食。
香煎鵝肝伴焦糖無花果，鵝肝煎香之後放上焦糖無花果上面，鵝肝外脆內嫩，油膩豐富；焦糖無花果就添了一種焦糖既香氣，配合鵝肝正好起到解膩既作用。
🔆 慢燒走地雞
走地雞🐓先用上日本啤酒🍻醃製20小時，之後先拎去慢燒🔥，最後用返燒出嚟既雞汁再加rosemary同蒜片煮返個汁淋上雞上面。食落雞肉嫩滑，即使係雞胸位置都充滿肉汁，再加上煮過既雞汁，雞味濃郁，而墊底既蔬菜🥬吸收咗肉汁都變得十分好味。
🔆 日本鹿兒島豬扒配紅酒燒汁
豬扒係厚切既，面層再放上巴馬臣芝士、麵包糠、牛油鋪面焗出脆面。豬扒雖然厚切，但煮得剛好，切開仍有嫩滑肉汁，唔會乾爭爭。上面既巴馬臣芝士、麵包糠、牛油令到嫩滑既豬扒多一個脆脆鹹香既口感。
🔆 飲品
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 大廚每度菜都出嚟介紹返食材同煮法，睇得出對自己出品好著緊
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車可以考慮大尾篤村既錶位場🅿️又或者大尾篤總站既錶位場🅿️
👉🏻 有巴士🚌/小巴由大埔墟站可到達大尾篤，再向大尾篤村方向行幾分鐘就到餐廳
🔆🔆🔆🔆🔆🔆🔆🔆🔆🔆🔆🔆🔆
張貼
