松藝館 (已結業)

今晚黎到海港城既三樓呢間高級法國菜，主打松露。呢度嘅位置非常之正，無敵大海景。背景播住休閒嘅音樂，有卡位又有普通枱，仲有吧枱添。落單後就嚟咗幾份餐包，本身我係一個麵包控，所以我就叫咗呢度三款嘅麵包。本身跟咗有松露鹽嘅牛油仲有洋蔥芝士。仲有落咗松露鹽嘅腰果。做個識食麵包嘅人就梗係要買松露橄欖油同埋松露醋啦，我呢度嘅醋比平常嘅醋甜，配合麵包都幾特別。既然呢度係食松露出名，我就叫咗一個野菌濃湯（$108），落咗松露橄欖油，仲有片片松露。一嚟到已經聞到蘑菇混合黑松露獨有嘅香氣。印落亦無比順滑。上面白色係奶泡。主菜我叫咗慢烤雞胸（$258）。平時喺平平哋嘅地方絕對唔會叫雞胸，因為九成九都係唔會煮得好食。寫到明係慢煮，我有信心佢會煮得好食。嚟到果然冇令我失望。大大塊有我手掌咁大。食落啲肉一啲都唔會乾唔會鞋，非常之夠水份，而且旁邊嘅gravy嘅味道亦調得剛好，充滿肉味。主菜旁邊嘅伴碟亦都係有松露嘅，另外竟然仲有雞縱菌。健康嘅一餐當然仲要有蔬菜，我就加咗一份田園沙律($48）同埋一份香草炒蘑菇($48)。田園沙律有薄荷葉，仲有橙色同埋紅色嘅車厘茄，分量來講都唔錯啊有平時出面食飯嘅前菜沙律咁大份。蘑菇有