漢城美食 (已結業)

由尖沙咀韓國街的第一間舖(已搬遷)食到而家旺角分舖，我都係覺得佢的味道從一而中，去到邊都係一樣好味。老闆娘係一個地道的韓國人，餐廳由兩個外籍人士主理，由落單到賣單都唔會有人比壓力你要你快點食完交枱。我鐘意佢地好似車仔麵檔的落單方法，比張格仔紙你自己寫個號碼上去，這樣的落單方法不單子唔會有人吹你落單，仲唔會有叫錯餸上的爭論。佢地的餐牌好簡單，40幾款菜已經可以滿足到我這個謂食的人一次又一次的幫襯。我最鐘意佢地的送前菜（係泡菜同蘿蔔），係可以無限添食的。飲品亦係不可不提，大部都係由韓國入口的果汁，梨汁同桃汁係我的首選。我每次都會食佢地的海鮮餅，用料足，加上佢地的辣醬，味道濃而香口，令你食完一口又一口。如果我係佢附近上班，我一定會日日都食佢地的午餐，因為佢有好多特色的選擇，例如解腸麵.......等等，不能盡錄。