影片
更多
2025-01-20
366 瀏覽
《炑 - 尖沙咀》我成日都覺得食日本餐除咗享用新鮮嘅食材之外，睇廚師擺盤同切嘢都係一大享受，我個人都幾鍾意去一啲有得席前烹調菜式嘅日式餐廳食飯，雖然價錢會比一般迴轉壽司高少少，但係間唔中一餐好既，邊食好嘢，邊睇師傅製作料理都真係幾享受的， 今次我就去左位於尖沙咀既炑食晚餐，成晚一共有十五款食物，最尾仲有個味噌湯同甜品，食到巨飽飽呀💁🏻♀️啤梨果酒 $88 餐廳近排入左不少由日本山梨縣直送番店既果酒， $88就可以試到用新鮮啤梨製作既果酒，平時比較少見到有呢個口味的，個人推薦試下啤梨同奇異果味，飲落好清新，唔會死甜，酒精唔會太勁，最衰無得買番屋企啦💁🏻♀️三文魚籽湯葉 即係用高湯煮腐皮，食落好滑同埋好有豆味，味道唔會太濃味太刺激💁🏻♀️北海道瀨尿蝦茶碗蒸少有見到加入咁高級既食材製作茶碗蒸，用左少少柚子皮提香，食落有陣陣既檸檬香氣，除左面頭有好鮮既瀨尿蝦之外，茶碗蒸入面都有蝦同埋銀杏豐富左成個口感💁🏻♀️薄切深海池魚 呢道菜式好考切工，雖然佢係薄切的，但係食落滿滿的油香，個人覺得best matched with wasabi，簡簡單單就帶出到魚既鮮味💁🏻♀️淡路島針魚刺身呢款白身魚口感軟
我成日都覺得食日本餐除咗享用新鮮嘅食材之外，睇廚師擺盤同切嘢都係一大享受，我個人都幾鍾意去一啲有得席前烹調菜式嘅日式餐廳食飯，雖然價錢會比一般迴轉壽司高少少，但係間唔中一餐好既，邊食好嘢，邊睇師傅製作料理都真係幾享受的， 今次我就去左位於尖沙咀既炑食晚餐，成晚一共有十五款食物，最尾仲有個味噌湯同甜品，食到巨飽飽呀
💁🏻♀️啤梨果酒 $88
餐廳近排入左不少由日本山梨縣直送番店既果酒， $88就可以試到用新鮮啤梨製作既果酒，平時比較少見到有呢個口味的，個人推薦試下啤梨同奇異果味，飲落好清新，唔會死甜，酒精唔會太勁，最衰無得買番屋企啦💁🏻♀️三文魚籽湯葉
即係用高湯煮腐皮，食落好滑同埋好有豆味，味道唔會太濃味太刺激💁🏻♀️北海道瀨尿蝦茶碗蒸
少有見到加入咁高級既食材製作茶碗蒸，用左少少柚子皮提香，食落有陣陣既檸檬香氣，除左面頭有好鮮既瀨尿蝦之外，茶碗蒸入面都有蝦同埋銀杏豐富左成個口感💁🏻♀️薄切深海池魚
呢道菜式好考切工，雖然佢係薄切的，但係食落滿滿的油香，個人覺得best matched with wasabi，簡簡單單就帶出到魚既鮮味💁🏻♀️淡路島針魚刺身
呢款白身魚口感軟林林的，呢個時候正值當造期，佢既口感會比平時食到既爽口少少，同柚子醬油就最夾啦💁🏻♀️燒北寄貝
爐燒海鮮一向都係最簡單既做法，可以食到海產既原汁原味，有淡淡既海水同埋少少礦物味，北寄貝口感彈牙爽口，唔洗點任何醬料都好好食💁🏻♀️紅鰤魚兩食
一片係刺身，而另一片係灸燒紅鰤魚，睇住師傅喺面前用火槍燒香肥美多油既紅鰤魚，老遠都聞到果陣油香，可以加少少紫蘇花一齊食個味道會更豐富，兩種食法都帶出到魚既肉質同油香，十分好食💁🏻♀️德島縣真蠔
用左磨碎既柚子皮再配上酸汁同辣蘿蔔蓉襯托番個新鮮真蠔，體型大隻得黎爽口，酸味帶出左蠔肉既海水味，味道少少辣，有層次感💁🏻♀️秘製蝦多士
廚師用左蝦肉打成蝦膠，再用蝦頭煮成濃汁加上蛋黃醬同拉叉醬，食落辣辣地好刺激，成件事好泰式同好特別💁🏻♀️大拖蘿
師傅用上呑拿魚既稀有部位蛇腹再炙燒，魚油迫曬出黎，用左紫菜包住魚肉再配上京葱碎，呑拿魚迷實鍾意❤️💁🏻♀️牛肉汁炆和牛牛板肉
食完咁多刺身之後就食熱食啦，呢道菜式醬汁甜甜的，和牛牛板肉已經炆到淋曬，一咬就已經化開，不得不提係件蘿蔔真係好入味好甜，個人覺得個蘿蔔真係神來之筆🤓💁🏻♀️天婦羅墨魚
以為平平無奇既天婦羅，點知一食一鳴驚人地好食😱首先係個墨魚個口感十分軟糯，有啲似食緊麻糬既感覺，配上特製既咖哩鹽同烏魚子食好好味，個皮又勁薄，一咬落口好熱，但堅係酥脆的💁🏻♀️天婦羅京都大黑菇
另就外一件天婦羅用上新鮮既大黑菇點上薄薄既炸漿油炸，入口濕潤但外皮同樣係超脆的💁🏻♀️江之島釜飯
最後既熱食係用左江之島特產吻仔魚同其他海鮮製作，入面仲有甘荀、蟹肉、三文魚籽同埋脆卜卜既油揚，個飯既口感有層次，食到海鮮既原汁原味，三文魚籽唔會死咸搶左吻仔魚既香氣👍🏻💁🏻♀️自家製黑糖蕨餅
食飽飽之後當然要食番個甜甜啦，最尾既菜式係師傅自家製作既黑糖蕨餅，口感煙煙韌韌唔會過甜，有陣陣清香既黑糖甜香
張貼
