影片
更多
2021-05-12
4865 瀏覽
之前喺上環見到呢間中式小店都無為意佢叫乜名，原來佢係「囍八方」。咁佢咪即係由深水埗開到去上環😳，兩區格調好唔同喎！上環店賣嘅食物款式比深水埗店還要多，但價錢就稍為貴少少啦。除咗餃子外🥟，呢度仲有賣飯餐、撈麵、車仔麵同各式小食等。煎粟米香菇鮮豬肉餃($47/6隻)，餃皮偏厚，輕煎所以個底唔算好脆。豬肉餡相當多，當中混入咗粟米粒🌽同冬菇🍄，以增加口感同豐富口味，而且佢亦算幾多汁。湯素餃($48/6隻)，湯餃同煎餃嘅口感有所不同，湯餃就可以品嚐到餃皮嘅滑。素餃嘅餡料其實都有粟米同菇，但就當然無肉，感覺健康💚。另外，素湯味道幾特別，清清哋，可以濕下口。農家粟子炆鴨飯($56)，飯餐會奉送一碗美顏骨膠紫菜鮮魚湯，湯品煮至奶白色，幾好飲，又唔腥。粟子炆鴨幾大碟🦆，不過要噒骨…，但味道都OK，唔會太鹹。白飯一碗，如果唔夠可以添加一次🍚。囍八方冷泡茶($26)，冷泡茶用樽仔裝住🍵，茶味清香，估計應該係綠茶底。小店喺餐牌度強調住係用電解還原水沖製，好搞笑😂。枱面上放有調味料香醋同辣菜甫，後者辣度好厲害🌶，但亦好脆口，令人又愛又恨。總括嚟講，餃子店喺香港多的是🇭🇰，但囍八方係幾有自家特色嘅，裝修亦比較有心
之前喺上環見到呢間中式小店都無為意佢叫乜名，原來佢係「囍八方」。咁佢咪即係由深水埗開到去上環😳，兩區格調好唔同喎！
上環店賣嘅食物款式比深水埗店還要多，但價錢就稍為貴少少啦。除咗餃子外🥟，呢度仲有賣飯餐、撈麵、車仔麵同各式小食等。
煎粟米香菇鮮豬肉餃($47/6隻)，餃皮偏厚，輕煎所以個底唔算好脆。豬肉餡相當多，當中混入咗粟米粒🌽同冬菇🍄，以增加口感同豐富口味，而且佢亦算幾多汁。
湯素餃($48/6隻)，湯餃同煎餃嘅口感有所不同，湯餃就可以品嚐到餃皮嘅滑。素餃嘅餡料其實都有粟米同菇，但就當然無肉，感覺健康💚。另外，素湯味道幾特別，清清哋，可以濕下口。
農家粟子炆鴨飯($56)，飯餐會奉送一碗美顏骨膠紫菜鮮魚湯，湯品煮至奶白色，幾好飲，又唔腥。粟子炆鴨幾大碟🦆，不過要噒骨…，但味道都OK，唔會太鹹。白飯一碗，如果唔夠可以添加一次🍚。
囍八方冷泡茶($26)，冷泡茶用樽仔裝住🍵，茶味清香，估計應該係綠茶底。小店喺餐牌度強調住係用電解還原水沖製，好搞笑😂。
枱面上放有調味料香醋同辣菜甫，後者辣度好厲害🌶，但亦好脆口，令人又愛又恨。
總括嚟講，餃子店喺香港多的是🇭🇰，但囍八方係幾有自家特色嘅，裝修亦比較有心思，行新派路線。題外話，我仲留意到店員都係食呢度嘅餃子㗎，咁就証明佢哋都好滿意個質素啦☺️。
張貼
