蘭香麵家

營業中

休息中

今日帶大家去食鮮牛栢葉同雞腸，呢間嘢好耐啦，我第一次食係初中果陣，都有30幾年以上，係近呢幾日睇到大島與龍威條片介紹呢度我至諗吓乜呢間嘢仲响度！然後今日放假就走嚟食，有乜好食呢，當然係黑牛栢葉(冇錯牛栢葉係黑色，平時酒樓果啲係白色不過加工過)，仲有鮮雞腸，叫咗雞腸麵做底加個淨黑牛栢葉，夠晒飽，上嚟嘅醬油係佢哋自己調配，帶啲辣但唔咸，雞腸好鮮好乾淨，幾正，不過湯底淡左啲冇以前咁濃味，係真嘅淡左啲。到牛栢葉，好爽口又脆口又唔靭，好食，啲葱切到好靚又多，真係久唔久食下好嘞始終内蔵嘢。