沙嗲王 (官塘工業中心) (已結業)

沙嗲王真係由細食到大。不過自從黎左附近反工之後，都一直未有機會食下，早幾日就同同事一齊黎食。其實我唔係黎食沙嗲，因為我唔係幾食辣，但佢勝在夠多選擇，份量大，價錢又合理，所以細細個開始都幾鍾意去。我今日就叫左個白咖喱豬扒飯，味道都係咁好，鍾意食佢既白咖喱，唔辣，岩一些唔食得辣既朋友，而且有兩塊豬扒，五十幾蚊依個價錢都合理。另外，我朋友叫左個雞扒煎蛋飯，一樣有兩塊雞扒，加隻蛋，雞扒都煎得幾香。埋單一個人大約都係60蚊，性價比算唔錯了。