印尼餐廳 (已結業)

好餓~好餓～ 正在堅持一日斷食嘅我肚餓到想咬人🧛‍♀️，為嘅就係要同吃貨屋企人去大吃大喝😝， 我地全家都好鍾意東南亞菜， 因為東南亞菜式喜用大量辛香料，特別惹味囉，呢間印尼餐廳我地已經幫趁左N咁多年喇 ， 難得佢地一直都保持到水準👍。葉包🐟，食得出辣椒同魚嘅香味，但小心， 因為確係幾辣架巴東🐂， 夠腍夠入味但油左啲，不過出得嚟食都豁出去了十五夜米粽，米粽軟糯，質地好得意， 不過本身冇乜味， 係靠其他配料咖哩🐔，印尼咖哩，因為有椰漿，所以比較香滑仲有酸🥒，好清新爽脆，每次嚟都點， 濃味菜式食到咁上下可以用嚟間下場清清口以上都係我地每次必點嘅菜式，平時我怕肥，所以都唔會再另點飲品， 但今日咁熱天時， 在外跑了一整天，就破例點個🌴椰青啦消暑解熱嘛😁忽然發現其實我地四個人真係食左好多野😋🤔😅喎，唔怪之得第二朝起身覺得有啲滯啦🤭