Bingo & Cook (已搬遷) 新店位置

去九展睇完演唱之前就係附近食個晚餐先！偶爾走走下，發現之前係銅鑼灣食過既bingo and cook係九展出現，而且價錢比銅鑼灣分店較平！原味炸雞以紙桶上檯，份量非常驚人！相信足足有一隻雞既份量唷！炸雞新鮮熱辣，皮炸肉嫩，真係另人食到不能自拔呀！辣炒豬肉飯係我既最愛！辣度十足，同係韓國食到既味道一樣唷！豬肉唔會太瘦太「鞋」，豬肉片帶有小小脂肪，夠哂香口！盒飯同時拌有沙律菜，減少了多肉少菜既罪惡感，很健康呢！人蔘雞湯大約有半隻雞既份量，糯米飯煙靱。每啖湯入口都飲到淡淡甘香既人蔘味！泡菜煎餅辣辣的，非常滋味！雖然經過油煎，但入口唔會太油膩，外層煎得有點脆，內裡口感綿綿的！飲品相對銅鑼灣冇太多選擇，只有罐裝飲品，欠缺了特飲！