影片
更多
2024-10-18
404 瀏覽
同男朋友慶祝生日，見呢間餐廳啲likes多到瀉岀黎就即管試下，點知由頭伏到尾。1. Chicken box廚師首先拎隻雞出嚟介紹做法同係面前點火，叫我哋拎定電話出嚟影相同拍片。唔知啲威士忌係咪無酒精，d火點唔著，我哋拎住部電話勁老尷。2. 雞肝醬配多士雞肝醬我覺得係好食既，不過d多士就又凍又韌，如果佢可以即刻焗會好好多3. 八爪魚佢個texture係一粒生粉團？擦膠？我形容唔到，個味道好似燒肉，成件事好分子料理4. Green pepper食材本身係新鮮，不過廚師好似唔記得落鹽5. 係呢個時候餐廳跳左fuse, 職員成杯野飲倒左落隔籬枱個客人度，成個環境好clumsy。6.著返燈開始食chicken box，佢係個底擺左舊木諗住整smoky 效果，但舊雞本人係無煙燻既味道7.雞皮煲仔飯呢個真係笑岀黎，好隆重咁拎個煲仔飯出嚟，介紹咗一輪，拎個噴壺噴啲豉油出嚟同我哋講要焗1分鐘， OK啦咁我哋等，打開個時候見到啲飯都好乾身好似OK咁，點知食落去凍既，我手痕掂一掂個煲仔，冇溫度既，咁焗嚟做乜。總結:職員花咗好多時間介紹食物，但係坦白講食物質素真係非常有待改善，而且完全唔值呢個價錢。始終餐廳係
1. Chicken box
廚師首先拎隻雞出嚟介紹做法同係面前點火，叫我哋拎定電話出嚟影相同拍片。唔知啲威士忌係咪無酒精，d火點唔著，我哋拎住部電話勁老尷。
2. 雞肝醬配多士
雞肝醬我覺得係好食既，不過d多士就又凍又韌，如果佢可以即刻焗會好好多
3. 八爪魚
佢個texture係一粒生粉團？擦膠？我形容唔到，個味道好似燒肉，成件事好分子料理
4. Green pepper
食材本身係新鮮，不過廚師好似唔記得落鹽
5. 係呢個時候餐廳跳左fuse, 職員成杯野飲倒左落隔籬枱個客人度，成個環境好clumsy。
6.著返燈開始食chicken box，佢係個底擺左舊木諗住整smoky 效果，但舊雞本人係無煙燻既味道
7.雞皮煲仔飯
呢個真係笑岀黎，好隆重咁拎個煲仔飯出嚟，介紹咗一輪，拎個噴壺噴啲豉油出嚟同我哋講要焗1分鐘， OK啦咁我哋等，打開個時候見到啲飯都好乾身好似OK咁，點知食落去凍既，我手痕掂一掂個煲仔，冇溫度既，咁焗嚟做乜。
總結:
職員花咗好多時間介紹食物，但係坦白講食物質素真係非常有待改善，而且完全唔值呢個價錢。始終餐廳係中上環區仲要咁多好評，我會對佢有一定期望，希望餐廳以後可以有所改善，令食物對得起個價錢。
張貼