蠔門宴 (已結業)

我同朋友都好鐘意食生蠔,朋友介紹左我去一間專食日本蠔既餐廳餐廳主打日本蠔,平時都好少食,今次點都要試下!!蠔bar 啲生蠔係即開即食而家做緊優惠,like佢地facebook食生蠔就有七折!法國特級女皇 幾大隻同肥美,海水味唔算好強烈,肉質爽脆而軟滑食完之後個蠔味會留係口內好耐都唔散!!正!小町第一次食日本生蠔,size比較大,都係爽口既蠔味同海水味適中,新鮮到極呀!江田島蠔烏冬咪以為用黎整烏冬個生蠔就係hea野生蠔都有2大隻!!而且新鮮到極,好肥美,又夠大隻,好鮮甜而烏冬都係爽口彈牙,湯底就比較普通但整體好好食,價錢唔算好貴,好滿意!!日本蠔湯個湯係好清既味噌湯黎,入面加左啲好滑既豆腐同海帶絲不過重點都係隻蠔同樣都係新鮮至極,成隻放入口蠔味爆發出黎,蠔味好濃烈又新鮮吉列廣島蠔炸野通常唔會用靚料,不過呢度冇呢支歌仔唱炸粉入面既蠔依然係新鮮貨好欣賞呢度款款蠔既食物都係咁新鮮,鋪頭果然冇改錯名,真係蠔門宴!