影片
更多
2018-07-20
670 瀏覽
夜晚見到咁光既招牌，見到佢有三十幾年歷史，80年代開業，仲有以前舊式茶餐廳既蛋糕西餅櫃，即刻好有衝勁入去食😁上網見到依度出名食炸蛋球，即係沙翁。切開見到很多層層次，好濃蛋香，加上外面既沙糖，好香甜，仲要一d油膩感都無。仲有即煎豬排波蘿包好少見豬排包係配菠蘿包，已經加左分。菠蘿包個皮超脆，塊豬排好嫩，一d都唔硬。仲要一d都唔馬虎，配埋一片蕃茄，令個包唔肥膩，好好既配搭。打開餐牌見到鐵板餐，老公立即點左個鐵板黑椒牛柳 - 7成熟。依間茶餐廳仍然保留做出細個食既味道，唔識形容，但好味。而且7成熟，仲係林、一d都唔硬，烹調手法好好。👍🏻佢個茄汁意粉既味道亦都係兒時好味既味道。我咁貪心既人梗係叫鐵板七彩雜排，要茸蒜汁～雜排包括：牛排、雞排、豬排、火腿、腸仔配薯角、雜菜。豬排好嫩，配香濃既蒜汁好惹味，鐘意食蒜既朋友，一定要揀依個汁！牛排岩岩好，一d都唔硬，帶點微微牛油味。雞排連皮煎得好香脆，醃得好夠味。湯我地揀左飲中湯，超多料，好有亞媽煲既味道，而且夠火喉。老公揀左依度既特色飲品 - 凍玫瑰茶走 - 玫瑰味奶茶。唔係得上面個堆玫瑰花做裝飾咁簡單，飲落好重玫瑰味，好岩女仔飲，不過我今日要飲既係另一杯
夜晚見到咁光既招牌，見到佢有三十幾年歷史，80年代開業，仲有以前舊式茶餐廳既蛋糕西餅櫃，即刻好有衝勁入去食😁
上網見到依度出名食炸蛋球，即係沙翁。
切開見到很多層層次，好濃蛋香，加上外面既沙糖，好香甜，仲要一d油膩感都無。
仲有即煎豬排波蘿包
好少見豬排包係配菠蘿包，已經加左分。
菠蘿包個皮超脆，塊豬排好嫩，一d都唔硬。
仲要一d都唔馬虎，配埋一片蕃茄，令個包唔肥膩，好好既配搭。
打開餐牌見到鐵板餐，老公立即點左個鐵板黑椒牛柳 - 7成熟。
依間茶餐廳仍然保留做出細個食既味道，唔識形容，但好味。
而且7成熟，仲係林、一d都唔硬，烹調手法好好。👍🏻
佢個茄汁意粉既味道亦都係兒時好味既味道。
我咁貪心既人梗係叫鐵板七彩雜排，要茸蒜汁～
雜排包括：
牛排、雞排、豬排、火腿、腸仔配薯角、雜菜。
豬排好嫩，配香濃既蒜汁好惹味，鐘意食蒜既朋友，一定要揀依個汁！
牛排岩岩好，一d都唔硬，帶點微微牛油味。
雞排連皮煎得好香脆，醃得好夠味。
湯我地揀左飲中湯，超多料，好有亞媽煲既味道，而且夠火喉。
老公揀左依度既特色飲品 - 凍玫瑰茶走 -
玫瑰味奶茶。
唔係得上面個堆玫瑰花做裝飾咁簡單，飲落好重玫瑰味，好岩女仔飲，不過我今日要飲既係另一杯～
就係熱桃茶薑蜜，好岩特別既日子飲，驅寒又好香蜜桃味，甜甜地，好岩依d日子啊～
依度唔單止保留左兒時茶餐廳既美味，連茶餐廳內既裝潢都保留著當時既味道。
張貼
