東哥點心籠仔蒸飯專門店 (已結業)

是日放工約左老友食飯，兩個麻甩佬一定係搵返間任食雞煲火鍋刷盡佢！近近地揀左呢間太子站步行３分鐘既點心火鍋專門店。一口價１８８有雞煲火鍋加點心任食，非常好，唔使左諗右諗。睇睇有咩野食：我地揀左半隻雞煲，再瘋狂叫點心食。蝦餃，燒賣，菜苗餃，灌湯餃，春卷等等，食到唔停手唔停口。一路食住點心再等雞煲熟，咁就唔使餓親啦。火鍋配料推薦美國肩胛牛肉，質素同牛乜牛物果D都有得揮，不錯的！最後仲可以叫埋擂沙球，紅棗糕，當甜品，完美的一餐。