建榮特色桑拿菜火鍋店

營業中

休息中

雖然我是一個女生, 但也不介意到大排檔吃飯, 我不是扭扭另另的女生, 也不會裝作自己很高貴很矜貴, 大排檔有的是地道風味, 是鑊氣, 偶爾也想吃一下呢。今晚就發掘到一家, 在屯門站行過去大約10分鐘, 在工廈區的大排檔, 晚上十分有人氣呢!蒜蓉開邊蝦$128: 呢個價錢份量咁多, 無得輸, 2個人食的話, 都飽左六七成, 蝦好新鮮, 蒸得唔乾, 蒜蓉調過味, 略鹹, 底下粉絲吸收了蝦香, 雖然有點油但又好食。蒜蓉炒通菜$58: 蒜蓉味好足, 炒得很香, 唔乾, 調味也是略鹹, 吃到底也比較油。紅燒乳鴿王$48: 皮香脆, 肉嫩滑, 燒得不錯的乳鴿, 仲見到有店員拎住細隻乳豬在門口燒, 燒了該有半個鐘以上, 好好心機。金沙鮮魷$108: 即叫即炸, 炸到脆卜卜, 金沙即鹹蛋, 味道鹹香, 內裡鮮魷爽滑, 做得不錯。椒鹽豆腐$68: 雖然只是百福豆腐, 但經椒鹽炸過, 寧舍不同, 外香口, 裡面滑嘟嘟, 口感一流!總括來說, 餸菜比較濃味, 比較適合送啤酒或送飯食, 現場所見九成係男人, 不少飲啤酒同食煙, 如果不慣煙味的人, 最好訂返間房, 咁就無問題啦。