基隆茶餐廳

營業中

休息中

行完電腦商場，就喺附近搵間茶餐廳食下，好耐都冇食過茶餐廳，唔係因為太貴，就係因為扮懷舊扮冰室。呢間以前都有食開，水準都keep得好。干炒豬扒一丁去到茶餐廳就梗係要食炒出前一丁啦，炒一丁就最試到廚師真功夫，配埋豬扒啱哂。份量啱啱好，唔會太細份又唔會太大，豬扒唔韌！ 仲炒得好香添，推介想食炒一丁嘅可以去試吓。吞拿魚三文治下午茶餐由於朋友唔係好肚餓，所以食份三文治餐，吞拿魚三文治都唔錯，沙律都幾好味。吞拿魚同沙律醬撈埋一齊食又幾新鮮。順帶一提，佢啲碗碟洗得好乾淨，可以睇吓凍檸水個杯，啲餐具唔會黃咁咁，食都食得放心啲。