影片
更多
2019-09-17
106 瀏覽
為左慶祝男友的生日，月前已預訂左鉄人旨花的鐵板燒，「鉄人」係 Openrice 的評價似乎好高，希望男友喜歡~我地班 961 出發後因為西隧封左，巴士轉行紅隧，令我地直接到達銅鑼灣。 早到左 5 分鐘，店員先帶我地就坐，叫我地飲住茶，慢慢唸食咩，又細心咁送上籃子，等我地可以將隨身物品放好。貼心我地唸左一段時間，最後點左鮑魚套餐 （$2688）：(一) 芥末醋黎麥沙津酸味醒胃，配上點點芥末刺激一下味蕾，話你知師傅要開始表演啦！(二) 紐西䔵鮑魚Joe 師傅話呢隻飽魚連殻有一斤重，都成十幾歲，我地今日比較 Lucky，今日呢隻鮑魚殻比較輕肉就多，上枱時仲要好生猛，成隻蝸牛咁郁下郁下。牛油炒飽魚我比較少見，配上生紫菜忌廉汁，完全沒有違和感，加上三文魚子又能提鮮，真係有想法的師傅！(三) 鵝肝多士呢個基本上係每次鐵板燒的必食菜式，師傅對自己煎的鵝肝非常有信心，佢話佢對鵝肝的厚度有要求，店內的鵝肝都係佢負責切好。我見佢煎完一面，一反已經係金黃色，火侯控制得好準，就知道有口福啦。食落脆口唔膩，我用手攞住食都無油流出黎，輕輕用紙巾一抹手已經乾淨灑。我仲跳皮咁用掂過鵝肝的手，掂一掂男友的手䏿，話佢知真
我地班 961 出發後因為西隧封左，巴士轉行紅隧，令我地直接到達銅鑼灣。
早到左 5 分鐘，店員先帶我地就坐，叫我地飲住茶，慢慢唸食咩，又細心咁送上籃子，等我地可以將隨身物品放好。貼心
我地唸左一段時間，最後點左鮑魚套餐 （$2688）：
(一) 芥末醋黎麥沙津
酸味醒胃，配上點點芥末刺激一下味蕾，話你知師傅要開始表演啦！
(二) 紐西䔵鮑魚
Joe 師傅話呢隻飽魚連殻有一斤重，都成十幾歲，我地今日比較 Lucky，今日呢隻鮑魚殻比較輕肉就多，上枱時仲要好生猛，成隻蝸牛咁郁下郁下。
牛油炒飽魚我比較少見，配上生紫菜忌廉汁，完全沒有違和感，加上三文魚子又能提鮮，真係有想法的師傅！
(三) 鵝肝多士
呢個基本上係每次鐵板燒的必食菜式，師傅對自己煎的鵝肝非常有信心，佢話佢對鵝肝的厚度有要求，店內的鵝肝都係佢負責切好。我見佢煎完一面，一反已經係金黃色，火侯控制得好準，就知道有口福啦。食落脆口唔膩，我用手攞住食都無油流出黎，輕輕用紙巾一抹手已經乾淨灑。我仲跳皮咁用掂過鵝肝的手，掂一掂男友的手䏿，話佢知真係無油剩低。
(四)法國白蘆筍棷菜仔配忌廉汁
第一次食白蘆筍，味度係清甜的，食落纖維較粗，網上查過係呢種食物嘅特質， 長知識了。記得有一次食泰國菜嘅椰菜仔， 太有咬口食到咀都攰，今次師傅將棷菜仔煮得比較淋身，啱啱好適合我同男友嘅要求。
(五) 熊本和牛
師傅花左我地食一道菜嘅時間， 非常用心咁煮好茄子，大啡菇，南瓜。然後再煎主角和牛，配上栗子蒜，山葵，紫蘇葉，喜馬拉雅鹽，教我地和牛的數個食法。其中一個一定要講，師傅教我地將和牛浸落日本醋，搣少少紫蘇葉包住和牛食用，和牛即刻變身成吞拿魚。我非常之鍾意呢個食法，因為我本身就係一個吞拿魚迷！
(六)和牛炒飯
師傅炒飯嘅時候加左水，佢刻意用水蒸氣包住飯粒，令炒飯除左粒粒分明嘅感覺，依然濕潤唔乾。其實係食呢碗飯嘅時候，我已經有七成飽，但呢個口感太有趣，最後都食到乾淨晒！
(七)清酒帶子雞湯
呢個湯用料簡單，但非常清甜， 又有酒香，令我好滿足，好幸福哈哈。
(八)水果盤
水果盤每日限量供應，係師傅花成個鐘頭， 慢慢幫啲新奇士橙去衣去皮，整出嚟嘅。其實我本身唔鍾意食橙，但今次嘅橙肉非常甜，一啲酸味都冇，我一口接一口，非常喜歡！
睇得出呢位師父真正喜歡自己做嘅事，對食物嘅處理都好有要求，非常細緻，喜歡同時尊重自己嘅工作，先會做到呢個水準，真係難能可貴！
張貼
