影片
更多
2020-11-22
477 瀏覽
在中環上班，經過幾次佢門口，覺得都幾似一間coffee shop。最後終於有日四點鐘光顧了。員工當然是90後一貫的沒有表情。當然，我來光顧你，不是你的要求，是我的心甘情願。態度冷漠是我預期之中。買完咖啡坐在樓梯旁高枱玩電話。想知道這裏是否有廁所。見有員工出來收咖啡杯，於是就想問佢：”唔該唔該...” 冇反應。於是我又繼續：”唔該唔該唔該...” 都係冇反應。於是我再大聲，真係都幾大聲：”唔該唔該唔該...”似乎太大聲，令到佢哋唔高興。一路都唔肯應我我。我終於忍唔住起身拍佢: “請問你呢度有冇洗手間？” 我唔知佢係怕羞定唔好意思定係不屑望我，擰轉面好細聲咁講: “隔離兩座大廈行上2樓。”當我正在沉思是否現世代青年人聽覺比較差，還是對中年人或者中年男性反應比較差的時候，我斜對面一個後生女仔，用幾不可聞的細聲: “唔該...” 在counter內的年輕員工，以迅雷不及掩耳的速度，快速接近女顧客。哦...原來女顧客想轉位。男員工二話不說，直情幫女顧客搬電腦。其實我覺得佢咁做無可厚非，如果我係佢我都會幫個女仔。女喎大佬....但問題係，我都係客啫，待遇可唔可以唔好爭咁遠？我相信我唔會再嚟呢間co
員工當然是90後一貫的沒有表情。當然，我來光顧你，不是你的要求，是我的心甘情願。態度冷漠是我預期之中。買完咖啡坐在樓梯旁高枱玩電話。想知道這裏是否有廁所。見有員工出來收咖啡杯，於是就想問佢：”唔該唔該...” 冇反應。於是我又繼續：”唔該唔該唔該...” 都係冇反應。於是我再大聲，真係都幾大聲：”唔該唔該唔該...”似乎太大聲，令到佢哋唔高興。一路都唔肯應我我。我終於忍唔住起身拍佢: “請問你呢度有冇洗手間？” 我唔知佢係怕羞定唔好意思定係不屑望我，擰轉面好細聲咁講: “隔離兩座大廈行上2樓。”
當我正在沉思是否現世代青年人聽覺比較差，還是對中年人或者中年男性反應比較差的時候，我斜對面一個後生女仔，用幾不可聞的細聲: “唔該...” 在counter內的年輕員工，以迅雷不及掩耳的速度，快速接近女顧客。哦...原來女顧客想轉位。男員工二話不說，直情幫女顧客搬電腦。
其實我覺得佢咁做無可厚非，如果我係佢我都會幫個女仔。女喎大佬....但問題係，我都係客啫，待遇可唔可以唔好爭咁遠？我相信我唔會再嚟呢間coffee shop，除非有一日我忽然間變咗女人.....
p.s.其實之前有打粗口，但OpenRice不能登出。
張貼