相馬日式火鍋 荔枝角

營業中

休息中

今晚接男朋友收工俾個驚喜佢🩵，佢覺得好surprise😆！不過我唔知佢公司附近有咩好嘢食，佢帶路就去咗呢間相馬日式火鍋😳男朋友話事，就叫咗「相馬火鍋放題多部曲」我都係第一次食咁多步驟又幾特別嘅放題😶男朋友就教我要食咗個日式茶碗蒸先，入口又幾香滑👍🏻跟住就要食呢個香噴噴嘅雞煲，我哋揀咗小辣，都好夠味！然後就要飲個滋陰養顏嘅花膠雞湯，補哂！接住落嚟就係蒸海鮮啦，啲海鮮仲要係用咗蒜蓉粉絲蒸，好香呀！之後就可以開始打邊爐任食啦，試晒佢哋咁多款肉就最鍾意黑豚肉同牛肩胛！豚肉好鬆軟，肥瘦好均勻！牛肉就好香牛味，脂肪比例都好平均！如果頭先蒸海鮮唔夠喉，都可以再叫任食海鮮！同埋呢到都有好多日式炸物，每一款都好吸引呀！