牛牛日式火鍋放題 (海之戀商場) (已結業)

上星期係男朋友生日，比佢話事佢話想食打邊爐，跟住就揀咗荃灣呢間日式火鍋放題食嘢。價錢方面又唔算太貴喎，假期都係三百幾蚊，重點係真係好多野食，而且食物嘅質素又唔差，都幾高質。因為我本身唔食牛肉，所以就集中食佢哋嘅澳洲綠草原羊肩肉同丹麥豚腩肉。兩者都擺入麻辣湯底之後都好入味。我叫嗰個湯底係藥膳麻辣鍋，有好香嘅藥材味道，同埋真係好夠香同夠麻辣，不過值得一讚嘅就係飲完唔會話好口渴，唔同出面啲味精湯底即刻要飲好多水。朋友就叫左極之鰹魚鍋，佢話清清淡淡好啱佢，佢就最特別推介極上牛舌啦。