Cafe Paradise (已結業)

同女朋友撐枱腳，見到界限街的cafe paradise 晚餐有德國豬手食，就諗住入去試下。入門口見到佢有好多客人留低的相片，睇來真系好多人幫襯下哦。餐湯沙律都幾靚仔，是日餐湯系意大利野菜湯。野飲要左凍檸茶，好爽口。德國豬手，脆皮，肉厚，配有薯蓉，燒汁另上，感覺不錯。食極都有，d肉質好嫩，好夠味。尤其喜歡豬手的脆皮，十分香口，不會太硬，恰到好處。最後系套餐配的抹茶雪糕，如果加錢還可以換朱古力心太軟，我地飽飽地，所以就只是食抹茶雪糕，濃郁的抹茶味在豬手之後，絕對合適。