芝加哥串燒酒場

週末去蘭桂坊放鬆下，喺附近搵吓有咩食嘅時候見到呢間餐廳都幾特別，仲要有串燒咁就入去試吓。去到蘭桂坊梗係要飲啤酒啦，佢呢度枱同枱之間都有一定距離私隱度都幾好，邊飲邊點嘢食。紙鷂雞皮 一定係必點嘅， 佢呢度都做得幾夠脆。鹽燒雞軟骨係啤酒嘅最佳拍檔，另外叫咗兩串牛都幾好食都好重牛味，培根車厘茄卷酸酸甜甜都好好味。海鮮就叫咗芝士大虎蝦都好大隻，上枱嗰陣時勁香燒烤味聞到都流晒口水。另外叫咗冷盤日本磯燒鮑魚，日式嘅漬法都幾入味。仲有我最愛嘅啖啖肉，我推介宮崎去骨雞腿佢啲肉燒得好腍，同埋雞皮都燒得好香口。燒羊架配埋佢個醬汁我覺得都幾啱口味，牛油果豚肉燒同荔枝豚肉卷食落去都好相近，招牌雞皮墨魚滑卷都幾彈牙， 總之成枱嘢食就係好開心。最後當然唔少得要食燒蔬菜啦，燒大啡菇超正一咬落去個菇味好濃郁，粟米燒、玉子燒、蘆筍燒、燒尖椒串 全部都好好味。芝士年糕亦係另一樣必要嘅嘢， 點埋煉奶甜甜地超級好味。