太二老壇子酸菜魚

營業中

休息中

成日聽人講太二酸菜魚好好食，留港嘅我就表示未食過啦🤣原來依排太二開到嚟香港仲有幾間分店，星期六同朋友去又一城，作為酸菜魚fans，要試吓太二先得🐟老壇子酸菜魚(1-2人份) $258————————————1-2人份已經好大盤，真心夠食夠飽😋藤椒乾椒花椒都好出味，味蕾感受到刺激🌶️辣度都剛好，唔會太辣，重點係好香芝麻味同蒜香，魚肉非常滑又掛汁，食到流晒口水🐟加個紅薯粉都係+$20，好飽呀🤰🏾蝦仁娃娃菜 $48————————————食菜健康呀🥬娃娃菜煮得夠淋，而且係上湯，加啲午餐肉碎仲增加咗鹹香嘅味道。喜翻翻砂紅糖冰粉 $22————————————食完辣再食返碗冰粉解膩真係啱晒！紅糖甜甜地，唔會太甜，冰粉好滑，加上丸子煙煙韌韌咁幾過癮，依個價錢真係好抵食。楊桃百香果檬茶 $28————————————依個搭配真係又解渴又解膩，好重果香嘅手搖飲品。