留白冰室 (已結業)

呢間餐廳自從由留白居酒屋轉型變成而家嘅留白冰室，就成為咗我哋一家人嘅食堂，一個星期好多日都會嚟食早餐，有時晚晚又懶得煮飯，就嚟呢度啦，哈哈！呢度嘅環境比舊式茶餐廳舒服好多，亦好乾淨雖然食物種類唔算多，但有啲食物都好有創意。今晚又係懶懶地嘅日子，小朋友最鍾意白汁豬扒意粉，每次都可以食哂一大碗，意粉軟硬啱啱好，有啲餐廳嘅意粉太硬，唔啱細路仔，份量都唔少，我同小朋友分享一碟就飽晒。另外，蕃茄牛肉意粉，味道意外地好好食，冇喺其他地方食過，唔知係唔係留白自創嘅🙈🤣！？基本上，每碟意粉都有上蕃茄汁，好唔錯呀我哋最鍾意坐喺外面嘅位，最近天氣有啲風，好舒服。其實最緊要係可以睇到車，唔使每次食飯都提心吊膽～怕被抄牌，哈哈！推介俾各位司機啦。