EXP

營業中

休息中

買咗戲飛喺又一城睇戲，晚餐就決定去佢隔離嘅exp用餐～雖然都幾多人排隊，但可能我哋係兩個人嘅關係，好快就有得入座。打開餐牌，見到張圖寫住喇沙韓式年糕😲兩樣都係我喜歡嘅食物，不過將佢哋搭配埋一齊真係好少見，所以就點左佢黎食。出奇地煙煙銀銀嘅年糕，點上辣辣地嘅喇沙醬都幾好食，而且味道都幾夾～雖然佢算係一款小食，但係份量都唔少㗎👍🏼大蝦豆角炒飯呢個炒飯都係有少少辣，不過值得讚嘅係佢唔算好油。大蝦都有三至四隻，用豆角嚟炒飯，令到成碟飯味道更香。而且份量都係幾多，我哋兩個人食平均都會食到兩碗。😋軟殼蟹炒麵呢個就有啲失色，令成餐飯扣左少少分。雖然軟殼蟹炸得香脆，但係炒麵就好油，味道酸酸的，食落奇奇怪怪，同軟殼蟹唔係好夾。建議可能嗌下其他Pizza會更好。