皇后飯店 (已結業)

是日大家姐請食晚飯, 佢推介呢度既焗豬排飯同餐飽, 所以就試一試, 初頭見餐牌普遍價錢都略貴, 焗豬排飯又冇餐, 後尾落單時侍應通知加幾十蚊可以轉做餐, 之後再叫一個西冷牛排, 五成熟, 一羅宋一忌廉湯.~ 餐飽同湯 : 個飽真係好味, 好香. 個湯我就覺得麻麻地, 不過不失. 餐湯仲未飲晒就已經上豬排飯, 呢度扣少少分~ 焗豬排飯 : 豬排好軟, 味道唔錯, 個飯好綿~ 西冷牛排 (碟上) : 上枱時聞到陣陣燒烤味, 切落去時比豬排更加淋, 佢只係將表面烤熟, 入面仲係紅色既, 但一d血水都冇, 連平時好容易食到有渣既脂肪佢都做到好好, 冇渣, 配埋個飯簡直一流. 配菜都有水準. 呢個真係要讚好!! ~ 餐茶 : 凍檸茶就一般, 始終係港式茶餐廳先合我心水, 不過其中一個侍應過黎問我地飲咩茶時就估我地飲咩野, 感覺幾好 總結黎講有機會一定會再食p.s. 再一次多謝大食姐介紹同請我食呢一餐, thanks!!