德國餐廳 (已結業)

今次來到這間德國菜是因為抽獎得到了1隻豬手，那就與同事一起去品嘗啦，它指定要係佐敦店用，但打開openrice後,大件事了，2笑2喊2ok,點算呢？但都要食既，首先送的豬手$165,太細隻喇，size同付費的一樣大，皮很韌，肉好味，拌菜的沙律亦好味，德國腸拼盤$158，好味，燒春雞$98，好似乳鴿咁細隻，唔係咁好食，蒜茸包$45，超唔抵又唔好食，超薄，無味，好乾，燒排骨$148，太甜呢～但都juicy既，汽水$22/細支裝，啤酒就唔記得喇，約$48~$55杯。服務呢，女既都helpful既，不過應該係幫下手既姐，因為佢唔太熟悉店舖所有運作，包括menu,應該係個男老闆既女朋友，而疑似男老闆既男士“因為有鼓氣，所以應該係老闆”態度就一般般，無表情，無熱誠，又無特別對我地差既。店舖方面，較近柯士甸西鐵站，但較難搵，招牌唔突出，出面有2塊透明膠，防止冷氣流走，但外觀就唔得，店舖好細，安排我們的位置對住廚房，感覺唔好，無位轉之下，坐了背著廁所位置，整體一般。總結：減了送的豬手，埋單$793，但係唔飽既，唔抵食。