天馬快餐 (已結業)

有日放假，專登走去天馬，諗住嘆番個咖喱牛腩飯，點知去到收銀處落單嗰陣時，個收銀阿姐話牛腩賣哂，咁我唯有再睇餐牌，到最後叫咗個黑椒鴛鴦扒飯+凍奶茶，落完單前後應該唔會一分鐘就攞得，出餐真係好快，然後我就打開盒飯，睇落塊牛扒比起我平時食開嘅牛扒，顏色真係好淡，雖然份量真係好多，兩塊扒都相當大塊(有相)，但係一食落口，感覺到塊牛扒真係好un，係有渣嘅，不過又唔係話完全食唔到嗰種，豬扒就OK，D黑椒汁幾辣，好惹味，由於真係好肚餓嘅關係，盒飯最後都食完，不過D牛扒真係有少少失望，至於杯凍奶茶，茶味就淡咗少少，希望下次去到會好少少啦