影片
更多
2016-04-03
569 瀏覽
入正題！近來唔知點解，可能多左人注意健康，好多米線鋪都出番茄湯底。有d上菜時個番茄醬同個湯係分離既，一開始食淡口到極，食到落底先知有好濃既番茄醬。吹漲。。。不過最差果d就係感覺上食緊化學物入口咁，只有酸味，百貨應百客，可能係我唔岩口味，晌呢到唔點名講邊幾間了。譚仔呢隻番茄湯賣相幾好，上面鋪上唔少份量既真蕃茄，最重要既係無影晌我本身食左咁多年既湯底味道唔止係加左蕃茄味道咁簡單，而係 enhance 左個開胃程度。今次又係叫番茄湯底，小辣，竹生，豬潤，細土匪雞翼，凍檸茶少甜。食得譚仔就預左要同食客一齊迫，好彩果日唔算多人，但係對面有位呀姐食食下流鼻血！！！救命呀！我要用一分鐘調整我既心理質素先食得落我面前呢碗紅色既番茄湯米線。好嬲。 想搬去隔離檯繼續食，不過算啦人地又唔係想既，晌咁惡劣環境之下，到最後我食完成碗米線連湯都飲埋，證明真係好食到一個點。不過其實我唔係完全 buy 晒譚仔既食品，佢果隻扮喇沙既湯底可以算失敗之作，似淡口開稀左既喇沙湯。。。
今次又係叫番茄湯底，小辣，竹生，豬潤，細土匪雞翼，凍檸茶少甜。
119 瀏覽
0 讚好
0 留言
不過其實我唔係完全 buy 晒譚仔既食品，佢果隻扮喇沙既湯底可以算失敗之作，似淡口開稀左既喇沙湯。。。
題外話/補充資料：
我記得N年前，譚仔好似仲係得一兩間分店時，我第一次食就係晌深水堡區幫襯，之後好似上左癮一樣個個星期幫襯，當時住香港區都特登過海為左食一碗米線，你話瘋唔瘋狂？:D今時唔同往日搵一區無譚仔分店都難 haha。但係去開深水堡區，想醫肚時多數仍然係諗起去譚仔。仲記初期在舊店幫襯，8個陌生食客迫在一張圓檯，好怕左右的食客噴到口水晌我檯面的雞翼，大佬我果碟係土匪雞翼唔係口水雞翼呀 (爛gag黎既) :mad:，自此我只會在人少時段才幫襯。。。另外有一次好迫人時竟然三哥座晌我背面同一位飲食記者做訪問，內容就係大約同現在牆身所寫差不多，如何如何獨創個口味。都叫做同呢間米線鋪有緣。
(以上食評乃用戶個人意見 , 並不代表OpenRice之觀點。)
張貼
