影片
更多
2017-08-04
139 瀏覽
今日同老公，仔仔係淘大睇完戲晏晝點零鐘， 記得朋友講過觀塘商廈有間餐廳唔錯， 近近哋搭一陣巴士就到。入門口見到個招牌幾型仔。去到差唔多兩點，過咗食晏高峰期， 我哋坐喺靠牆邊嘅梳化椅， 舒舒服服。侍應先畀你法式精緻小點， 係提子芝士加餅乾， 仲有一支長餅乾， 幾有心思。之後我哋揀咗兩個是日餐湯同一個田園沙律。餐湯係薯仔蓉同煙肉碎， 湯好綿， 加埋少少煙肉嘅鹹味， 配得恰到好處。 另外沙律菜夠新鮮， 仲有少少芝士片喺上面，老公同仔仔話芝士同沙律菜好夾。 午餐由$68到$158, 先揀咗香燒羊肩配露絲瑪麗蒜子紅酒汁。個主菜靚都好似成幅畫咁，羊肩生熟剛剛好，又夠淋，吸收了紅酒汁香煎鵝肝伴牛柳， 另外一幅靚畫又出場，鵝肝細細舊但係真係煎得好咁香， 牛柳叫咗五成熟， 冇血水流出，牛味夠濃巴東式燴春雞，有印尼色彩，味道濃郁，足有半隻雞份量。主菜可以配蔬菜或者有機糙米飯， 我哋全部配飯。有機糙米夠健康， 而且啲飯軟硬適中，唔錯。跟住又好齊心一人一杯凍鮮奶朱古力，佢地將鮮奶放面，賣相又一加分。唔會過甜，加上鮮奶好滑呀!最後有精緻甜品，滑滑慕絲，細細件啱啱好。Like Facebook 仲有8折! 抵呀!
入門口見到個招牌幾型仔。去到差唔多兩點，過咗食晏高峰期， 我哋坐喺靠牆邊嘅梳化椅， 舒舒服服。
侍應先畀你法式精緻小點， 係提子芝士加餅乾， 仲有一支長餅乾， 幾有心思。
之後我哋揀咗兩個是日餐湯同一個田園沙律。餐湯係薯仔蓉同煙肉碎， 湯好綿， 加埋少少煙肉嘅鹹味， 配得恰到好處。 另外沙律菜夠新鮮， 仲有少少芝士片喺上面，老公同仔仔話芝士同沙律菜好夾。
午餐由$68到$158, 先揀咗香燒羊肩配露絲瑪麗蒜子紅酒汁。個主菜靚都好似成幅畫咁，羊肩生熟剛剛好，又夠淋，吸收了紅酒汁
香煎鵝肝伴牛柳， 另外一幅靚畫又出場，鵝肝細細舊但係真係煎得好咁香， 牛柳叫咗五成熟， 冇血水流出，牛味夠濃
巴東式燴春雞，有印尼色彩，味道濃郁，足有半隻雞份量。
主菜可以配蔬菜或者有機糙米飯， 我哋全部配飯。有機糙米夠健康， 而且啲飯軟硬適中，唔錯。
跟住又好齊心一人一杯凍鮮奶朱古力，佢地將鮮奶放面，賣相又一加分。唔會過甜，加上鮮奶好滑呀!
最後有精緻甜品，滑滑慕絲，細細件啱啱好。
Like Facebook 仲有8折! 抵呀!
張貼
