影片
更多
2020-03-26
386 瀏覽
今日又再嚟多一篇元朗獨立國，屯元天嘅朋友應該都知道呢間野係邊㗎。呢間茶飲店個位置就喺元朗廣場隔離嘅，元朗西巴士總站附近。所以就算你唔係住喺大西北，你只要坐巴士入到黎元朗獨立國，你都一定會搵到嘅。其實我點解要嚟間茶飲店呢，當然唔係為咗佢杯茶啦。因為我都未飲過所以我答唔到你，我要今日飲完先可以再評論。除咗因為黃店，我要擁有佢嗰隻杯。呢一間茶飲店每一隻杯都有唔同圖案㗎，全部都係店主店員付出精神時間為我哋每一個香港人以畫。每一隻連豬都畫得好可愛，構圖夠出色。我相信每一個愛香港嘅手足都好有共鳴。啲字都一樣咁靚！叫得黃店梗係有年濃牆大家儲齊晒一大套未？今日都有好多手足支持，附近其實仲有十幾個。我柯打了『鐵觀音鮮奶茶』其實我好想試下佢個好奇怪嘅奶蓋龍眼沙冰，我真係見識少我第一次聽到奶蓋可以配龍眼同香蕉。奶蓋龍眼沙冰，唔係響餐單上，但係你睇下個門面幅圖，即上面呢張相，左二就係啦。我一心以為鐵觀音奶茶會係啡色㗎，但係點解會變咗綠色嘅，明治牛奶唔係宇治牛奶呀，點解會咁㗎？至於味道方面唔知點解我又唔覺得有好重嘅鐵觀音味喎，下次要叫佢加多啲茶葉先至得。最後今日我係攞到一隻小精靈㗎，比卡比卡。。。比卡超。。。
其實我點解要嚟間茶飲店呢，當然唔係為咗佢杯茶啦。因為我都未飲過所以我答唔到你，我要今日飲完先可以再評論。
除咗因為黃店，我要擁有佢嗰隻杯。呢一間茶飲店每一隻杯都有唔同圖案㗎，全部都係店主店員付出精神時間為我哋每一個香港人以畫。
每一隻連豬都畫得好可愛，構圖夠出色。我相信每一個愛香港嘅手足都好有共鳴。
啲字都一樣咁靚！
叫得黃店梗係有年濃牆
大家儲齊晒一大套未？
今日都有好多手足支持，附近其實仲有十幾個。
我柯打了『鐵觀音鮮奶茶』其實我好想試下佢個好奇怪嘅奶蓋龍眼沙冰，我真係見識少我第一次聽到奶蓋可以配龍眼同香蕉。奶蓋龍眼沙冰，唔係響餐單上，但係你睇下個門面幅圖，即上面呢張相，左二就係啦。
我一心以為鐵觀音奶茶會係啡色㗎，但係點解會變咗綠色嘅，明治牛奶唔係宇治牛奶呀，點解會咁㗎？至於味道方面唔知點解我又唔覺得有好重嘅鐵觀音味喎，下次要叫佢加多啲茶葉先至得。
最後今日我係攞到一隻小精靈㗎，比卡比卡。。。比卡超。。。
張貼
