影片
更多
2014-06-10
10064 瀏覽
早兩個禮拜，小肥約咗女朋友去時代廣場間新戲院Cine Times度睇七點半，睇戲前當然係要醫肚啦！Honey話難得可以五點半收工，不如就去戲院旁邊嗰間平時排哂長龍o既School Food，因為佢上網睇到好多人話只要六點前去到餐廳就唔洗排隊。我地大約下午5:50到達School Food門口，如食評們所講，我地兩個人唔洗排隊就有位坐 ，不過當時餐廳都已經七、八成滿，好快仲見到條人龍添。櫈都未坐上，姐姐仔就事先聲明要我地七點前交枱，心諗洗唔洗咁急呀，趕客咩 ？！School Food明明喺餐牌上講解話餐廳所有食物即叫即造，食材新鮮，務求為食客帶來 “dream in your mouth” o既感覺，試問食客比人咁催又點可以欣賞廚師們精心研製出黎o既美食呢？似乎有啲自相矛盾bor 。School Food間隔及枱櫈o既舖排其實好簡單，只係七彩o既櫈、花巧o既牆身設計、部分刺眼o既燈光及裝飾增添咗客人視覺上o既負擔，搞到未食已經眼花花，暈陀陀，舒適感大減 。此外，當日其中一位服務生疑似患感冒，喺冇帶口罩o既情況下喺我地張枱附近徘徊咳嗽，衛生欠俸。我地一早立心要睇戲時食爆谷，所以喺S
我地大約下午5:50到達School Food門口，如食評們所講，我地兩個人唔洗排隊就有位坐 ，不過當時餐廳都已經七、八成滿，好快仲見到條人龍添。櫈都未坐上，姐姐仔就事先聲明要我地七點前交枱，心諗洗唔洗咁急呀，趕客咩 ？！School Food明明喺餐牌上講解話餐廳所有食物即叫即造，食材新鮮，務求為食客帶來 “dream in your mouth” o既感覺，試問食客比人咁催又點可以欣賞廚師們精心研製出黎o既美食呢？似乎有啲自相矛盾bor 。
School Food間隔及枱櫈o既舖排其實好簡單，只係七彩o既櫈、花巧o既牆身設計、部分刺眼o既燈光及裝飾增添咗客人視覺上o既負擔，搞到未食已經眼花花，暈陀陀，舒適感大減 。
此外，當日其中一位服務生疑似患感冒，喺冇帶口罩o既情況下喺我地張枱附近徘徊咳嗽，衛生欠俸。我地一早立心要睇戲時食爆谷，所以喺School Food只係點咗三款人氣菜式，飲品方面當然係「有情飲水飽」啦 ！
韓小姐 - 泡菜 Miss Mari - Kimchi（$60）：哈哈，真係搞鬼，用「韓小姐」作泡菜卷個名。泡菜卷依個概念喺香港其實幾創新，泡菜本身好野味香脆，可惜外層嗰塊蛋皮出咗事，搞到成個卷腍咗一大截，味道淡咗，效果猶如畫蛇添足般 。小弟建議School Food減咗層蛋皮，淨係用紫菜包住泡菜同飯，口感應該會更加爽脆，味道更加濃郁！
廚師卡邦尼年糕 Soy Carbonara Topokki（$68）：卡邦尼年糕係三款食物中較為美味o既一款，不過又未好到值得小肥推介，因為年糕同煙肉都偏硬，而且唔夠熱，得意之處就係當中加咗滑嘟嘟o既粉絲。
脆雞伴大葱沙律Chicken Gangjeong Green Onion Salad（$78）：Honey話酸酸甜甜o既沙律幾醒胃，不過就唔多鍾意啲脆雞，因為咬落好似食緊肥膏咁 ，好溜！如相所示，脆雞個心係黃色，起初XO仔以為係薯仔或者蕃薯之類o既野啦，點知姐姐仔解釋話嗰啲係韓式秘醬 ，個人唔係好buy囉！
總結，School Food地方唔算好坐，裝修過份花巧複雜，服務平庸，客人未坐低已經有被趕o既感覺，加上食物質素唔高，而且同價格不成正比，講真小肥真係唔多明白點解間舖頭可以日日排長龍囉！
張貼
