影片
更多
2020-01-28
3102 瀏覽
早前同啲團友仔落咗太子西洋菜南街嘅「將軍麵館」食晏，見到斜對面有家「華星冰室」，點解無啦啦會提，因為同行嘅友人喺「獅子銀行」度做，晌「華星冰室」食嘢有八折，咁抵就異口同聲都話梗喺要幫襯啦。話時話，點解只有呢間「華星冰室」嘅英名名稱叫「Chrisly Café」，而其他嘅「華星冰室」嘅就叫「Capital Café」呢？我哋好彩嚟得早，所以，一入去就有位，但轉頭就好快坐滿晒。不過，嚟得茶記都快上快落，所以，就算得等位都唔需要等得好耐。而餐廳環境，就如茶記傳統，夠逼，左右兩邊卡位，喺4人位就緊緊坐到4個人，肥少少就坐到突晒出嚟；中間就坐到6個人，完全前前後後背貼背。然而，裝修上就帶有好多本土色彩。至於有啲咩食，晌餐枱面就貼晒出嚟，都喺慣常晌茶記見到嘅乜餐物餐、本土小食、丁麵、三文治……等等。咁嚟得食晏嘅，就自不然提供埋午餐啦。常餐 $47友人就簡簡單單揀咗茶記極具代性之一嘅常餐，包括叉燒意粉、火腿煎蛋、牛油多士及餐飲。賣相就唔好點期望啦，但份量十足，尤其啲叉燒大大片，都俾到4、5件半肥瘦，而湯底普普通通啦，都只不過喺啲清雞湯而已；友人話啲煎蛋仲有啲蛋漿，無煎得太老，而火腿又唔似大陸嚟嘅平價
我哋好彩嚟得早，所以，一入去就有位，但轉頭就好快坐滿晒。不過，嚟得茶記都快上快落，所以，就算得等位都唔需要等得好耐。而餐廳環境，就如茶記傳統，夠逼，左右兩邊卡位，喺4人位就緊緊坐到4個人，肥少少就坐到突晒出嚟；中間就坐到6個人，完全前前後後背貼背。然而，裝修上就帶有好多本土色彩。
至於有啲咩食，晌餐枱面就貼晒出嚟，都喺慣常晌茶記見到嘅乜餐物餐、本土小食、丁麵、三文治……等等。咁嚟得食晏嘅，就自不然提供埋午餐啦。
常餐 $47友人就簡簡單單揀咗茶記極具代性之一嘅常餐，包括叉燒意粉、火腿煎蛋、牛油多士及餐飲。賣相就唔好點期望啦，但份量十足，尤其啲叉燒大大片，都俾到4、5件半肥瘦，而湯底普普通通啦，都只不過喺啲清雞湯而已；友人話啲煎蛋仲有啲蛋漿，無煎得太老，而火腿又唔似大陸嚟嘅平價貨，所以，整體嚟講，都收貨喇。
雞扒煎蛋飯配蔥油汁 $52另一位團友仔就揀午餐嘅雞扒煎蛋飯，個樣睇落幾正，一大片煎蛋冚上面，淋上大量蔥油汁，而雞扒嘅份量亦唔少，唔喺話得一嚿半嚿咁欺場。味道方面，佢就話唔錯，啲白飯好軟熟，真正蔥油撈白飯都好食；而啲雞扒喺半煎炸，香口又唔乾身，比預期中好。
老外套餐 $48小弟貪過癮，揀個老外套餐，即喺平常晌啲咖啡餐室所見嘅全日早餐，有煙肉、炒蛋、粟米、茄汁豆、多士、薯餅（可揀魚柳），配埋啡茶都只喺$48。雖然，賣相就唔及出面一啲賣成嚿水嘅全日早餐咁有睇頭，但以咁嘅價錢，都抵食啦，煙肉唔喺得啲肥膏嘅平嘢，煎得又脆又香，炒蛋夠晒滑溜，多士更喺厚多版，夠誠意。不過，啲茄汁豆有熱過，點鮮啲粟米粒就無呢？搵啲牛油炒炒會好唔一樣，但依家就無乜味，又喺涼嘅。
熱奶茶嚟茶記揀熱奶茶都喺走唔甩，茶底都OK嘅，飲落茶味幾醇香，不過，就算見佢個杯身，當佢喺用黑白奶，口感卻唔叫得好滑。
雖然人多，但侍應又無乜點趕我哋走，招呼就無乜，不過，啲侍應又算幾有禮貌，晌呢嚟講，$40、$50食餐晏，都合理啦，再者，我哋又有8折，折後真喺好划算。
張貼
