土耳其小城 (萬昌樓) (已結業)

去食呢啲特色異國風情，好似都係出名乳酪，得2款，就各一杯，原味同芒果，原來原味仲有分咸同甜，朋友穩陣起見揀左甜。一黎到好真材實料好濃厚，唔會稀過水。呢餐全雞宴😌，味道都比較濃郁。叫左一個雞肉卷餅，雞軟骨同埋雞肉炒飯。卷餅都幾多汁，食到尾都仲有雞，食呢啲券我最中意配埋佢啲醬汁食。呢個卷我同朋友2份share，食完已經飽左7-8成😂。風味雞軟骨味道好似水牛城雞翼，味道比較重，啲肉都幾淋。雞肉炒飯香料好重手，唔會乾，比較濕潤，啲雞都幾淋幾入味，個飯一開始唔覺辣，係越食越辣，味道越嚟越出🌶。