我愛伊斯坦堡 (已搬遷) 新店位置

訂位時店方問我地有冇咩唔食、想食d乜，再按budget 為我地設計菜單，呢個服務幾有趣，唔洗煩。先唻系土耳其沙律，跟住有Mersin chicken，（店主的家鄉菜）即系燒雞釀飯，雞好 juicy香口，飯由多種香料泡制，味道好夾。另一個系Dolma 彩椒釀飯，原只黃椒入面裝滿甜甜酸酸辣辣的飯，好好味！芝士茄子乳酪薯條，ok嘅，但冇其他菜色咁特別。最後有個雪花牛肉串燒，土耳其燒肉一向出名，佢都冇令我失望，甘香鬆軟，一口一件  甜品系土耳其甜品set，超鐘意d 銀（定銅定系乜金屬？）盤！好靚好精緻！有土耳其軟糖、土耳其開心果酥同牛油果雪糕，我最鐘意開心果酥！偏甜，但系清甜的蜜糖加開心果的香口，所以唔會漏。牛油果雪糕系女自家制的，食唔食到要睇你彩數。好戲在最最最後，土耳其咖啡！店主會系你面前煮咖啡，只放糖不加奶，土耳其咖啡好細杯好濃郁，因為會連咖啡粉一齊飲，質地厚厚的同平時飲的好唔同！小店好有異國風情味道，親切不拘小節，跟店主土耳其男風格一致。佢地仲推擴緊個手機app，下載分享即有折扣，好有小心思。